കേരളത്തിൽ ലവ് ജിഹാദിനൊപ്പം നാർക്കോട്ടിക് ജിഹാദും.ജിഹാദികളുടെ കാഴ്ചപ്പാടിൽ അമുസ്ലിങ്ങൾ നശിപ്പിക്കപ്പെടേണ്ടവരാണ്. ലക്ഷ്യം മത വ്യാപനവും അമുസ്ലിങ്ങളുടെ നാശവും-ബിഷപ്പ് മാർ ജോസഫ് കല്ലറങ്ങാട്ട്

കോട്ടയം :കേരളത്തിൽ ലവ് ജിഹാദിനൊപ്പം തന്നെ നാർക്കോട്ടിക് ജിഹാദം നടക്കുന്നുണ്ടെന്ന് പാലാ രൂപത. ജിഹാദികളുടെ കാഴ്ചപ്പാടിൽ അമുസ്ലിങ്ങൾ നശിപ്പിക്കപ്പെടേണ്ടവരാണ്. ലക്ഷ്യം മത വ്യാപനവും അമുസ്ലിങ്ങളുടെ നാശവും എന്ന് പാലാ ബിഷപ്പ് മാർ ജോസഫ് കല്ലറങ്ങാട്ട് ആരോപിച്ചു. ക്രിസ്ത്യൻ മതത്തിൽ പെട്ട പെൺകുട്ടികളെയും യുവാക്കളെയും ഇതിലൂടെ വഴിതെറ്റിക്കുന്നെന്നും ഇതിന് സഹായം നൽകുന്ന ഒരു വിഭാ​ഗം കേരളത്തിൽ പ്രവർത്തിക്കുന്നുണ്ടെന്നും ബിഷപ്പ് മാർ ജോസഫ് കല്ലറങ്ങാട്ട് എട്ട് നോമ്പ് പെരുന്നാളിനോടനുബന്ധിച്ച് കുറുവിലങ്ങാട് പള്ളിയിൽ നടത്തിയ പ്രസം​ഗത്തിലാണ് ബിഷപ്പിന്റെ പരാമർശം.

“ജിഹാദികളുടെ കാഴ്ചപ്പാടിൽ അമുസ്ലിങ്ങൾ നശിപ്പിക്കപ്പെടേണ്ടവരാണ്. ലക്ഷ്യം മത വ്യാപനവും അമുസ്ലിങ്ങളുടെ നാശവും ആവുമ്പോൾ അതിന് സ്വീകരിക്കുന്ന ചില മാർ​ഗങ്ങൾക്ക് പല രൂപങ്ങളും ഉണ്ടാവുന്നുണ്ട്. അത്തരം രണ്ട് മാർ​ഗങ്ങളാണ് ഇന്ന് വ്യാപകമായി ചർച്ച ചെയ്യപ്പെടുന്ന ലവ് ജിഹാദും നാർകോട്ടിക് ജിഹാദും. ദുരുപയോ​ഗിക്കുക, മതം മാറ്റുക, തീവ്രവാദ പ്രവർത്തനങ്ങൾക്ക് ഉപയോ​ഗിക്കുക, വിശ്വാസ ത്യാ​ഗം ചെയ്യിക്കുക, സാമ്പത്തിക നേട്ടം ഉണ്ടാക്കുക തുടങ്ങിയ ലക്ഷ്യങ്ങൾ നേടാനാണ് മറ്റു മതത്തിൽ പെട്ട പെൺകുട്ടികളെ പ്രണയിച്ചോ മറ്റു മാർ​ഗങ്ങളിലൂടെയോ ജിഹാദികൾ വശത്താക്കുന്നത്”, ബിഷപ്പ് പറഞ്ഞു.

ലവ് ജിഹാദ് ഇല്ല എന്നു പറയുന്ന രാഷ്ട്രീയക്കാരുൾപ്പെടെ കണ്ണടച്ച് ഇരുട്ടാക്കുകയാണ്. ഇതിന് പിന്നിൽ നിക്ഷിപിത താൽപര്യം ഉണ്ടെന്നും ഇദ്ദേഹം ആരോപിച്ചു. മതാന്തര വിവാഹങ്ങൾ പള്ളിയിൽ വെച്ചുൾപ്പെടെ നടക്കുന്നുണ്ട്. എന്നാൽ ഇത്തരം വിവാ​ഹത്തിനു ശേഷമുണ്ടാവുന്ന കാര്യങ്ങൾ പരിശോധിക്കുമ്പോൾ ഇതിനു പിന്നിൽ വലിയ തോതിലുള്ള ജിഹാദി പ്രവർത്തനങ്ങളുണ്ടെന്നാണ് വ്യക്തമാവുന്നതെന്നും ബിഷപ്പ് പറഞ്ഞു.

Top