കിയാറന്‍ കൊടുങ്കാറ്റ്; കോര്‍ക്ക്, വാട്ടര്‍ഫോര്‍ഡ്, കാര്‍ലോ, കില്‍കെന്നി, വെക്‌സ്‌ഫോര്‍ഡ്, വിക്ലോ എന്നിവിടങ്ങളില്‍ യെല്ലോ അലേര്‍ട്ട്

കിയാറന്‍ കൊടുങ്കാറ്റ് ഇന്ന് വൈകുന്നേരത്തോടെ കരതൊടുന്നതിനാല്‍ ഇന്നും നാളെയുമായി നിരവധി സ്റ്റാറ്റസ് യെല്ലോ കാലാവസ്ഥാ മുന്നറിയിപ്പുകള്‍ Met Éireann പുറപ്പെടുവിച്ചിട്ടുണ്ട്. നിലവില്‍ വിവിധ ഇടങ്ങളില്‍ കനത്ത മഴ പെയ്യുന്നതിനാല്‍ വെള്ളപ്പൊക്കത്തിന് സാധ്യതയുണ്ടെന്ന് മുന്നറിയിപ്പ് നല്‍കിയിട്ടുണ്ട്. കോര്‍ക്ക്, വാട്ടര്‍ഫോര്‍ഡ്, കാര്‍ലോ, കില്‍കെന്നി, വെക്‌സ്‌ഫോര്‍ഡ്, വിക്ലോ എന്നിവിടങ്ങളില്‍ ഇന്ന് രാത്രി 7 മണി മുതല്‍ നാളെ രാവിലെ 7 മണി വരെ സ്റ്റാറ്റസ് യെല്ലോ റെയിന്‍ അലേര്‍ട്ട് നല്‍കിയിട്ടുണ്ട്.

ഉച്ചവരെ കെറിയില്‍ സ്റ്റാറ്റസ് യെല്ലോ അലേര്‍ട്ടും, കെറി, ക്ലെയര്‍, ഗാല്‍വേ എന്നിവിടങ്ങളില്‍ പുലര്‍ച്ചെ 5 മുതല്‍ രാവിലെ 11 വരെ പ്രത്യേക സ്റ്റാറ്റസ് യെല്ലോ വിന്‍ഡ് അലേര്‍ട്ടും ബാധകമാണ്. വെള്ളപ്പൊക്കം, ദുഷ്‌കരമായ യാത്രാസാഹചര്യങ്ങള്‍ എന്നിവയെ കുറിച്ച് കാലാവസ്ഥാ നിരീക്ഷകന്‍ മുന്നറിയിപ്പ് നല്‍കിയിട്ടുണ്ട്.