ശബരിമലയിലേക്ക് പോകുമല്ലേടീ…ചോദ്യത്തിന് പിറകെ കല്ലേറ്; രശ്മി നായരുടെ വീടിന് നേരെ ആക്രമണം

പത്തനാപുരം: സോഷ്യല്‍ ആക്ടിവിസ്റ്റ് രശ്മി ആര്‍ നായരുടെ വീടിന് നേര്‍ക്ക് കല്ലേറ്. രശ്മിയുടെ പത്തനാപുരം കരിമ്പാലൂരുള്ള വീടിന് നേര്‍ക്കായിരുന്നു അക്രമം. കല്ലെറിഞ്ഞ സംഭവത്തില്‍ ഒരാളെ പോലീസ് കസ്റ്റഡിയിലെടുത്തു.

ഇന്ന് വൈകീട്ട് മൂന്നു മണിയോടെയാണ് ‘ശബരിമലയിലേക്ക് പോകുമല്ലേടീ’ എന്ന് ചോദിച്ച് വീടിന് നേര്‍ക്ക് തുടര്‍ച്ചയായി കല്ലേറ് ഉണ്ടായത്. ശബ്ദം കേട്ട് പുറത്തിറങ്ങി വന്നപ്പോള്‍ അക്രമി സിറ്റൗട്ടിലേക്ക് കയറി വന്നു. അവിടെ നിന്ന് ഇറക്കി വിട്ടതിന് ശേഷം അയാള്‍ വീടിന്റെ മതിലിന് പുറത്ത് നിന്ന് കൊണ്ട് കല്ലെറിഞ്ഞതായും രശ്മി പറയുന്നു.