സിനിമയുടെയും ആല്‍ബങ്ങളുടെയും പേരുപറഞ്ഞു വെറുതേ ജീവിതം ഹോമിക്കരുതെന്ന് നടിയും അവതാരകയുമായ സാധിക വേണുഗോപാല്‍. അഭിനയത്തിന്റെ പേരില്‍ സെക്സ് റാക്കറ്റുകളില്‍ പെണ്‍കുട്ടികള്‍ ചെന്ന് വീഴരുതെന്ന് സാധിക. നല്ല കലാകാരന്മാര് ഒരിക്കലും കലയ്ക്കുവേണ്ടി പെണ്ണിനെ ഭോഗിക്കില്ല. അതു തിരിച്ചറിഞ്ഞ് അവസരങ്ങള്‍ക്കായി ക്ഷമയോടെ കാത്തിരിക്കയാണ് വേണ്ടത്. സ്വന്തം ജീവിതം ഹോമിക്കരുതെന്നും സാധിക ഫേസ്ബുക്കില്‍ കുറിച്ചു
ഫേസ്ബുക്ക് പോസ്റ്റിന്റെ പൂര്‍ണരൂപം:
അഭിനയിക്കാന്‍ ആഗ്രഹിച്ചോളൂ നല്ല വര്‍ക്കുകളുടെ ഭാഗമാവാന്‍ പറ്റിയാല്‍ അത് ചെയ്യൂ അല്ലാതെ ഇതുപോലുള്ള ആളുകളുടെ ഇടയില്‍ ചെന്ന് ജീവിതം ഹോമിക്കാതിരിക്കൂ സഹോദരിമാരെ… നല്ല കലാകാരന്മാര് ഒരിക്കലും കലയ്ക്കായി പെണ്ണിനെ ഭോഗിക്കില്ല ഉപയോഗിക്കില്ല എന്ന് ഓര്‍ക്കുക. അവരെ തിരിച്ചറിയുക സ്വയം സംരക്ഷകരാകുക… ഒരു അവസരത്തിന് ഒരാളുടെ മുന്നില്‍ വഴങ്ങിയാല്‍ പിന്നെ ജീവിതകാലം മുഴുവന്‍ അത് ചെയ്യേണ്ടിവരും എന്ന സത്യം തിരിച്ചറിയുക. നമുക്ക് വിധിച്ചത് നമ്മളെ തേടിവരും അതെത്ര അകലത്തിലായാലും ക്ഷമയോടെ കാത്തിരുന്നാല്‍ മാത്രം മതി.
എന്ന് സ്നേഹത്തോടെ
ഒരു സഹോദരി
സാധിക
Top