ഇണയെ അകത്താക്കി ആൺ‌കടുവ

വിശന്നു വലഞ്ഞ ആണ്‍ കടുവ പെണ്‍കടുവയെ ഭക്ഷണമാക്കി. മധ്യപ്രദേശിലെ കാനാ നാഷണൽ പാർക്കിലാണ് സംഭവം നടന്നത്. സ്വന്തം വിഭാഗത്തിൽപ്പെടുന്ന ജീവികളെ മൃഗങ്ങൾ ഭക്ഷണമാക്കുന്നത് വളരെ അപൂർവമായ സംഭവമാണ്. പാർക്കിലെ ജീവനക്കാരാണ് പെണ്‍കടുവയുടെ ശരീരം കണ്ടെത്തിയത്. സാധാരണ പെണ്‍കടുവകൾ പരസ്പരം പോരടിക്കാറുണ്ടെങ്കിലും ആണ്‍കടുവകൾ ഇത്തരത്തിൽ പെരുമാറുന്നത് അപൂർവമാണെന്ന് പാർക്കിന്‍റെ ഫീൽഡ് ഡയറക്ടർ കെ. കൃഷ്ണമൂർത്തി പറഞ്ഞു. കടുവയെ കൊന്നതിന്‍റെ കാരണം വിശപ്പാണെന്ന് വിശ്വസിക്കുവാൻ പറ്റില്ലെന്നും കടുവകളുടെ എണ്ണം കൂടിയത് കാരണമുള്ള വഴക്കായിരിക്കും ഇതിനു കാരണമെന്ന് കൃഷ്ണ മൂർത്തി പറയുന്നു. കടുവയുടെ തലയോട്ടിയും കാലുകളും കൂടുതൽ പരിശോധനയ്ക്കായി അയച്ചിരിക്കുകയാണ്.