മലപ്പുറം: മലപ്പുറം മങ്കടയിൽ ഇടിമിന്നലേറ്റ് 4 കുട്ടികള്ക്ക് ദാരുണാന്ത്യം. കുരുങ്ങൻചോല വ്യൂ പോയിൻ്റിലാണ് സംഭവം.വെള്ളിമല സ്വദേശികളായ വിദ്യാര്ത്ഥികളാണ് അപകടത്തില്പ്പെട്ടത്.വെള്ളിമല പുതുക്കുടി വീട്ടില് അലിയുടെ മകന് റഹീസ് (20), ആലിക്ക പറമ്പില് വീട്ടില് അസീസിന്റെ മകന് സിയാദ് (18), കൂരിമണ്ണില് പുത്തന്വീട്ടില് സെയ്തലവിയുടെ മകന് ബഹാസ് (18), നിസാറിന്റെ മകന് ഫഹദ് (22) എന്നിവരാണ് മരിച്ചത്. റോഷന് (20), ഇഷ്താഹ് (19), സല്മാനുല് ഫാരിസ് (21) എന്നിവര്ക്കാണ് പരിക്കേറ്റത്. .
2 വിദ്യാര്ത്ഥികള് മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലാണ്. മങ്കടയിലെ വെള്ളില ഭാഗത്ത് പന്തല്ലൂരിലെ വ്യൂ പോയിന്റിലാണ് അപകടമുണ്ടായിരിക്കുന്നത്. വിദ്യാര്ത്ഥികള് ഇവിടേക്ക് എത്തിയതായിരുന്നു. ആളുകള് സ്ഥിരമായി പോകുന്ന സ്ഥലമാണിത്. 4 പേര് കുഴഞ്ഞുവീണതിനെ തുടര്ന്ന് അവിടെയുണ്ടായിരുന്ന ആളുകള് ഇവരെ മഞ്ചേരി മെഡിക്കൽ കോളേജിലേക്ക് എത്തിച്ചിരുന്നു. രണ്ട് പേര് മെഡിക്കൽ കോളേജിലെത്തുമ്പോഴേയ്ക്കും മരണം സംഭവിച്ചിരുന്നു.
Top