കഴിഞ്ഞ നവംബര് മുതല് മനോജ് ബ്ലൂ വെയ്ല് ഗെയിം കളിച്ചിരുന്നതായാണ് ഇപ്പോള് സംശയിക്കുന്നത്.ഒന്പത് മാസങ്ങള്ക്ക് ശേഷം ജൂലൈ 26-ന് മനോജ് ആത്മഹത്യ ചെയ്തു.
അപസര്പ്പക കഥപോലെ, ഈ ബ്ലൂവെയില് ഗെയിം……ഈ കാലയളവില് വലിയ മാറ്റങ്ങളാണ് കുട്ടിയില് ഉണ്ടായതെന്ന് മാതാപിതാക്കള് ഓര്ക്കുന്നു. വീട്ടുകാരോട് അകന്ന മനോജ് ഒറ്റയ്ക്ക് സഞ്ചരിക്കാന് ആരംഭിച്ചു. വീട്ടുകാര്ക്കും കൂട്ടുകാര്ക്കുമൊപ്പം മാത്രം പുറത്തു പോകാറുണ്ടായിരുന്ന മനോജ് ഒറ്റയ്ക്ക് കടല് കാണാന് പോയി. വീട്ടുകാരറിയാതെ കോട്ടയം വരെ പോയി വന്നു. നീന്തലറിയാതെ പുഴയില് ചാടി. രാത്രികളില് ഒറ്റയ്ക്ക് സെമിത്തേരിയില് പോയി ഇരുന്നു. ഇതെല്ലാം മൊബൈലില് പകര്ത്തുകയും ചെയ്തിരുന്നു.
ജൂലൈ 26-ന് ആത്മഹത്യ ചെയ്യും മുന്പ് മനോജ് ഫോണില് നിന്ന് ഗെയിം ലിങ്ക് ഡിലീറ്റ് ചെയ്തിരുന്നുവെന്നാണ് സംശയിക്കുന്നത്. എന്നാല് മനോജിന്റെ ആത്മഹത്യയ്ക്ക് പിന്നില് ബ്ലൂവെയ്ല് ഗെയിം ആണോയെന്ന് പോലീസ് ഇതുവരെ സ്ഥിരീകരിച്ചിട്ടില്ല. ഇക്കാര്യത്തില് പല സംശയങ്ങളും തീര്ക്കാനുണ്ടെന്നും കുട്ടിയുടെ ബന്ധുക്കള് പരാതി തരുന്ന മുറയ്ക്ക് ഇക്കാര്യത്തില് വിശദമായ അന്വേഷണം നടത്തുമെന്നും പോലീസ് അറിയിച്ചു.