ചെമ്പഴന്തി: വിദ്യാര്ത്ഥികളോട് അപമര്യാദയായി പെരുമാറിയെന്ന പരാതിയില് തിരുവനന്തപുരം ചെമ്പഴന്തി എസ്എന് കോളേജ് അധ്യാപകനെതിരെ കോളേജ് ഡെപ്യൂട്ടി ഡയറക്ടറുടെ റിപ്പോര്ട്ട്. വിദ്യാര്ത്ഥികളെ ഫോണിലൂടെ ശല്യപ്പെടുത്തിയ അധ്യാപകന്റെ പ്രവര്ത്തി പദവിക്ക് നിരക്കുന്നത് അല്ലെന്നാണ് റിപ്പോര്ട്ടിലെ കണ്ടെത്തല്.
അധ്യാപകനെ പിന്തുണച്ച കോളേജ് ഇന്റേണല് കംപ്ലെയ്ന്റ് കമ്മിറ്റി സെല്ലിന്റെ റിപ്പോര്ട്ട് തള്ളുകയും അധ്യാപകനെ രൂക്ഷമായി വിമര്ശിക്കുന്നതുമാണ് ഡെപ്യൂട്ടി ഡയറക്ടറുടെ റിപ്പോര്ട്ട്. പൊളിറ്റിക്കല് സയന്സ് ഡിപ്പാര്ട്ട്മെന്റിലെ അധ്യാപകനും എന്എസ്എസ് പ്രോഗ്രാം ഓഫീസറുമായ ടി.അഭിലാഷിനെതിരെയാണ് പെണ്കുട്ടികള് പരാതിയുമായി രംഗത്തെത്തിയത്.
രാത്രിസമയങ്ങളില് ഫോണിലൂടെ ശല്യം ചെയ്തെന്നും അപമര്യാദയായി പെരുമാറിയെന്നുമാണ് കോളേജിലെ ഒന്പത് വിദ്യാര്ത്ഥികള് പരാതി നല്കിയത്. നിരന്തരം വാട്സ്ആപ്പിലൂടെ വീഡിയോ കോള് ചെയ്യുന്നുവെന്നും ചുംബന സ്മൈലികള് അയക്കുന്നുവെന്നും അനാവശ്യമായി സംസാരിക്കുന്നുവെന്നുമാണ് പരാതി.
Top