കണ്ണൂര്‍ : സിപിഐഎം നേതാവ് രണ്ടരക്കോടി രൂപ കൈതോല പായയില്‍ പൊതിഞ്ഞ് കടത്തിയെന്ന ജി ശക്തിധരന്റെ ആരോപണം അടിസ്ഥാന രഹിതമെന്ന് ഇ പി ജയരാജന്. ശക്തിധരന്‍ ദേശാഭിമാനിയെയോ, പാര്‍ട്ടിയെയോ കുറ്റപ്പെടുത്തിയിട്ടില്ല. നേതാവ് ആരാണെന്ന് അദ്ദേഹം പറഞ്ഞിട്ടില്ല. ചെയ്തിരിക്കുന്ന കുറ്റങ്ങളെ മറച്ചുവെക്കാനാണ് സുധാകരനും സതീശനും ശക്തിധരന്റെ ആരോപണങ്ങള്‍ പ്രചരിപ്പിക്കുന്നതെന്നും ഇ പി ജയരാജന് പറഞ്ഞു.
എന്നാല്‍ കെ സുധാകരന്‍ ചെയ്തത് ഗുരുതര തെറ്റാണ്. കെപിസിസി സ്ഥാനത്തുനിന്ന് മാറിനിന്ന് അന്വേഷണത്തെ നേരിടണം. സുധാകരനെതിരെ കൂടുതല്‍ തെളിവുകള്‍ പുറത്തു വരുന്നുണ്ട്. അപകടകരമായ അഴിമതിയാണ് നടന്നത്. അഴിമതിയെ ന്യായീകരിക്കാനുള്ള ശ്രമമാണ് കോണ്‍ഗ്രസിന്റെ ഭാഗത്തുനിന്ന് ഇപ്പോള്‍ നടക്കുന്നത്. സോണിയ ഗാന്ധിയും രാഹുല്‍ ഗാന്ധിയും സുധാകരന്റെ അഴിമതിയെ ന്യായികരിച്ചാല്‍ അവര്‍ക്കുള്ള മതിപ്പ് നഷ്ടപ്പെടും. സുധാകരനെ സംരക്ഷിക്കാന്‍ എഐസിസിയും കെപിസിസിയും പുറപ്പെട്ടാല്‍ വലിയ തിരിച്ചടിയുണ്ടാകും. സുധാകരനും സതീശനും, ചെയ്ത കാര്യങ്ങളെ മറച്ചു പിടിക്കുന്നുവെന്നും ജയരാജന് കുറ്റപ്പെടുത്തി.
Top