നിങ്ങള്‍ ജനിച്ചത് 1947 ല്‍ ആണോ? എങ്കില്‍ കൊച്ചി മെട്രോ നല്‍കുന്ന ഓഫര്‍ ഇതാണ്

1947 ൽ ജനിച്ചവർക്ക് ഇതാ ഒരു സന്തോഷവാർത്ത. നിങ്ങൾക്ക് അത്യാകർഷകമായ ഓഫറുമായി കൊച്ചി മെട്രോ എത്തുന്നു.

ഇവർക്ക് ഏഴ് ദിവസത്തേക്ക് കൊച്ചി മെട്രോയിലെ യാത്ര തികച്ചും സൗജന്യമാണ് ഇന്ന് ആരംഭിക്കുന്ന ഓഫർ ഏഴ് ദിവസത്തേക്ക് ഉണ്ടാകും. ആഗസ്റ്റ് 21 വരെയാണ് ഈ സൗജന്യയാത്ര. ഇനി മുതൽ 7 ദിവസത്തേക്ക് 70 കാർക്ക് കൊച്ചി മെട്രോയിൽ സൗജന്യമായി സഞ്ചരിക്കാം.

സ്വാതന്ത്ര്യത്തിന്റെ ആവേശം ജനങ്ങളിലേക്കെത്തിക്കാനാണ് ഈ പ്രത്യേക ഓഫറെന്ന് കൊച്ചി മെട്രോ റെയിൽ അധിതൃതർ( കെഎംആർഎൽ) അറിയിച്ചതായി ദ ഹിന്ദു റിപ്പോർട്ട് ചെയ്യുന്നു.

1947 ലാണ് ജനിച്ചതെന്നു തെളിയിക്കുന്ന രേഖകൾ ഹാജരാക്കിയാൽ മാത്രമേ കൊച്ചി മെട്രോയിൽ സൗജന്യമായി യാത്ര ചെയ്യാൻ സാധിക്കൂ.