കൂത്താട്ട്കുളത്ത് വീട്ടുകാരോട് പിണങ്ങി നാട് വിട്ടത് രണ്ട് പെണ്കുട്ടികളാണ്. ബിരുദവിദ്യാര്ത്ഥിനികളായ ഇരുവരും കേരളത്തില് മാത്രമല്ല തമിഴ്നാട്ടിലും കറങ്ങി നടന്നു.
ഇക്കഴിഞ്ഞ പതിനൊന്നിനാണ് ഇരുവരേയും കാണാതായത്. പെണ്കുട്ടികള്
കയ്യിലെ കാശ് തീരുന്നത് വരെ മധുരയിലും കൊടൈക്കനാലിലും കറങ്ങുകയായിരുന്നു.
പണം തീര്ന്നപ്പോള് കോട്ടയത്തുള്ള സുഹൃത്തിനെ ബന്ധപ്പെട്ടു. ഈ സുഹൃത്താണ് സംശയം തോന്നിയതിനാല് വിവരം വീട്ടുകാരെ അറിയിച്ചത്.
കോട്ടയത്തേക്ക് വന്നാല് പണം തരാമെന്ന് സുഹൃത്ത് ഇവരെ വിശ്വസിപ്പിച്ചു.
മൂന്നാറില് നിന്നും പെണ്കുട്ടികള് കോട്ടയത്തേക്ക് വരുന്ന വഴിയാണ് കഥ മാറുന്നത്. ഫോണ് ചെയ്യാനായി ബസ് കണ്ടക്ടറുടെ പക്കല് നിന്നും ഫോണ് വാങ്ങി സംസാരിച്ചത് സംശയമുണ്ടാക്കി.
തുടര്ന്ന് കണ്ടക്ടറായ ബിനു അപ്പുക്കുട്ടന് വിവരം രഹസ്യമായി പോലീസിനെ അറിയിച്ചു. കൂത്താട്ടുകുളം പോലീസെത്തി ഇരുവരേയും വീട്ടുകാരെ ഏല്പ്പിക്കുകയായിരുന്നു.