ആക്രമിക്കപ്പെട്ട നടിയുടെ പേര് പരാമര്‍ശിച്ച കമല്‍ഹാസന് വനിതാ കമ്മീഷന്‍ നോട്ടീസ് അയച്ചു

നടിയെ ആക്രമിച്ച കേസില്‍ തന്റെ പ്രതികരണം മാധ്യമപ്രവര്‍ത്തരെ അറിയിക്കുന്നതിനിടയിലായിരുന്നു നടിയുടെ പേര് കമല്‍ഹാസന്‍ പറഞ്ഞത്.
പേര് പറയുന്നത് നിയമവിരുദ്ധമല്ലെയെന്ന് മാധ്യമപ്രവര്‍ത്തകര്‍ കമല്‍ഹാസനോട് ചൂണ്ടിക്കാട്ടിയിരുന്നു. എന്നാല്‍, പേര് മറച്ചുവയ്‌ക്കേണ്ട ആവശ്യമില്ലെന്നും അവരെ ദ്രൗപദിയെന്ന് വിളിക്കണമെങ്കില്‍ അങ്ങനെയുമാകാമെന്നാണ് കമല്‍ഹാസന്‍ മറുപടി നല്‍കിയത്.