സ്വകാര്യ വാഹനം ഉപേക്ഷിച്ച് നിലമ്പൂരില് ഷാഫി പറമ്പില് എംപിയും രാഹുല് മാങ്കൂട്ടത്തില് എംഎല്എയും സഞ്ചരിച്ച വാഹനം പരിശോധിച്ച് തിരഞ്ഞെടുപ്പ് കമ്മീഷന് നിയോഗിച്ച ഉദ്യോഗസ്ഥരും പൊലീസും. ഇന്നലെ രാത്രിയാണ് ഷാഫി പറമ്പില്, രാഹുല് മാങ്കൂട്ടത്തില് എന്നിവരുടെ വാഹനത്തില് പരിശോധന നടന്നത്. ഷാഫി പറമ്പിലാണ് വാഹനം ഓടിച്ചിരുന്നത്. ഒപ്പം രാഹുല് മാങ്കൂട്ടത്തിലുമുണ്ടായിരുന്നു. നിലമ്പൂര് നഗരത്തിലേക്ക് വരികയായിരുന്നു ഇരുവരും. വാഹനത്തിലെ പെട്ടിയില് വസ്ത്രങ്ങളും പുസ്തകങ്ങളുമാണ് ഉണ്ടായിരുന്നത്. ഏകപക്ഷീയമായ പരിശോധനയെന്ന് നേതാക്കള് ആരോപിക്കുന്നു.
തിരഞ്ഞെടുപ്പിന്റെ ഭാഗമായുള്ള പരിശോധനയ്ക്കിടെയാണ് കോണ്ഗ്രസ് നേതാക്കളുടെ വാഹനത്തിലും പരിശോധന നടന്നത്. ഇന്നലെ രാത്രി പതിനൊന്ന് മണിയോടെയായിരുന്നു സംഭവം. ഷാഫിയ്ക്കും രാഹുലിനും പുറമേ യൂത്ത് ലീഗ് ജനറല് സെക്രട്ടറി പി കെ ഫിറോസും വാഹനത്തില് ഉണ്ടായിരുന്നു. ഷാഫി പറമ്പില് ആയിരുന്നു വാഹനം ഓടിച്ചത്. നേതാക്കളോട് പുറത്തിറങ്ങാന് ആവശ്യപ്പെട്ട ഉദ്യോഗസ്ഥര് വാഹനത്തിൽ ഉണ്ടായിരുന്ന പെട്ടി തുറന്നു പരിശോധിച്ചു. ഇതിനിടെ ഷാഫി പറമ്പിലും രാഹുല് മാങ്കൂട്ടത്തിലും ഉദ്യോഗസ്ഥരോട് കയര്ത്തു. സംഭവത്തിന്റെ ദൃശ്യങ്ങള് പുറത്തുവന്നു.
പരിശോധന വേളയില് ഷാഫി പറമ്പിലും രാഹുല് മാങ്കൂട്ടത്തിലും പൊലീസിനോട് കയര്ത്തു. കോണ്ഗ്രസ് നേതാക്കളുടെ വാഹനങ്ങളിലും റൂമുകളിലും മാത്രമാണല്ലോ പരിശോധന എന്നായിരുന്നു പറഞ്ഞത്. തിരഞ്ഞെടുപ്പിന്റെ ഭാഗമായുള്ള സ്വാഭാവികമായ പരിശോധന എന്നാണ് വിശദീകരണം.
തിരഞ്ഞെടുപ്പ് കാലത്തെ നാടകങ്ങളോട് പ്രതികരിക്കാനില്ലെന്ന് നിലമ്പൂരിലെ എല്ഡിഎഫ് സ്ഥാനാര്ഥി എം സ്വരാജ് പറഞ്ഞു. യുഡിഎഫ് നേതാക്കളുടെ വാഹനങ്ങള് പരിശോധിക്കാന് പാടില്ല എന്ന ഒരു നിയമം ഉണ്ടാക്കേണ്ടി വരും. ഇതൊന്നും തെരഞ്ഞെടുപ്പില് ചര്ച്ചയാകില്ലെന്നും എം സ്വരാജ് ട്വന്റിഫോറിനോട് പറഞ്ഞു.
Top