സംസ്ഥാനത്ത് സ്വകാര്യ ബസ് സമരം മാറ്റിവെച്ചു

തി​രു​വ​ന​ന്ത​പു​രം: സംസ്ഥാനത്ത് ഈ മാസം 21 മു​ത​ൽ നടത്താനിരുന്ന സ്വ​കാ​ര്യ ബ​സ് സ​മ​രം മാ​റ്റി​വ​ച്ചു. വി​വി​ധ വി​ഷ​യ​ങ്ങ​ൾ ഉ​ന്ന​യി​ച്ച് സ​ർ​ക്കാ​ർ അ​നു​ഭാ​വ​പൂ​ർ​ണ​മാ​യ നി​ല​പാ​ടെ​ടു​ക്കു​മെ​ന്ന സൂ​ച​ന ല​ഭി​ച്ച​തോ​ടെ​യാ​ണ് സ​മ​രം മാ​റ്റി വെച്ചത്.

നേരത്തെ, ഗതാഗത മന്ത്രി ആൻറണി രാജു ബസ് ഉടമകളുമായി ചർച്ച നടത്തിയിരുന്നു. വിശദമായ പഠനത്തിനും ചർച്ചക്കും ശേഷം മാത്രം നിരക്ക് വർധനയിൽ തീരുമാനിക്കുമെന്ന് മന്ത്രി ഉടമകളെ അറിയിച്ചു.

വിദ്യാർഥികളുടെ യാത്രാ നിരക്ക് വർധനയടക്കമുള്ള ആവശ്യങ്ങൾ സർക്കാറിനെ അറിയിച്ച് ഒരുമാസം കഴിഞ്ഞിട്ടും തീരുമാനം ഉണ്ടാകാത്തതിൽ പ്രതിഷേധിച്ചാണ് ഉടമകള്‍ സമരം പ്രഖ്യാപിച്ചത്. ക്രി​സ്മ​സ് അ​ടു​ത്തി​രി​ക്കേ പ​ണി​മു​ട​ക്കി​ലേ​ക്ക് പോ​കു​ന്ന​ത് പൊ​തു​ജ​ന​ത്തി​ന് ബു​ദ്ധി​മു​ട്ടാ​കും എ​ന്ന കാ​ര്യ​വും സ​മ​ര​സ​മി​തി പ​രി​ഗ​ണി​ച്ചു​വെ​ന്നാ​ണ് നേ​താ​ക്ക​ൾ അ​റി​യി​ച്ച​ത്.

മി​നി​മം ചാ​ർ​ജ് 12 രൂ​പ​യാ​ക്കു​ക, വി​ദ്യാ​ർ​ഥി​ക​ളു​ടെ ബ​സ്ചാ​ർ​ജ് മി​നി​മം ആ​റു രൂ​പ​യാ​ക്കു​ക, ഡി​സം​ബ​ർ 31 വ​രെ​യു​ള്ള റോ​ഡ് ടാ​ക്സ് ഒ​ഴി​വാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ് സം​യു​ക്ത സ​മ​ര​സ​മി​തി പ​ണി​മു​ട​ക്ക് പ്ര​ഖ്യാ​പി​ച്ചി​രു​ന്ന​ത്.