‘കോൺഗ്രസ്​ നേതാവിന്റെ ബലാത്സംഗ പരാമർശം ഒരിക്കലും ന്യായീകരിക്കാനാവാത്തത്’ പ്രിയങ്ക ​ഗാന്ധി

ന്യൂഡൽഹി: കർണാടകയിലെ കോൺഗ്രസ്​ നേതാവ് നടത്തിയ ബലാത്സംഗ പരാമർശത്തിൽ അപലപിച്ച്​ കോൺഗ്രസ്​ നേതാവ്​ പ്രിയങ്ക ഗാന്ധി. ഇത്​ ഒരിക്കലും ന്യായീകരിക്കാൻ കഴിയാത്ത പരാമർശമാണെന്ന്​ പ്രിയങ്ക പറഞ്ഞു.

‘കെ.ആർ. രമേഷ്​ കുമാർ നടത്തിയ പ്രസ്​താവനയെ അപലപിക്കുന്നു. എങ്ങനെയാണ്​ ഇത്തരം വാക്കുകൾ ഉപയോഗിക്കാൻ സാധിക്കുന്നത്​? ഒരു കാരണവശാലും ന്യായീകരിക്കാനാകില്ല. ബലാത്സംഗം ഹീന്മായ കുറ്റകൃത്യമാണ്​’ -പ്രിയങ്ക ഗാന്ധി ട്വീറ്റ്​ ചെയ്​തു.

ബലാത്സംഗം തടുക്കാനാകാത്ത സാഹചര്യമാണെങ്കിൽ ആസ്വദിക്കുക എന്നായിരുന്നു മുൻ സ്​പീക്കർ കൂടിയായ കെ.ആർ. രമേഷ്​​​ കുമാറിന്‍റെ പരാമർശം. അതേസമയം, പരാമർശത്തിൽ വൻ പ്രതിഷേധമുയർന്ന സാഹചര്യത്തിൽ ര​മേ​ഷ് കു​മാ​ർ ട്വി​റ്റ​റി​ലൂ​ടെ മാ​പ്പ​പേ​ക്ഷയുമായി രംഗത്തെത്തിയിരുന്നു.

‘ബ​ലാ​ത്സം​ഗ​ത്തെ കു​റി​ച്ച് ഞാ​ൻ ന​ട​ത്തി​യ ഉ​ദാ​സീ​ന​വും അ​ശ്ര​ദ്ധ​വു​മാ​യ അ​ഭി​പ്രാ​യ​ത്തി​ന് എ​ല്ലാ​വ​രോ​ടും ആ​ത്മാ​ർ​ത്ഥ​മാ​യി ക്ഷ​മ ചോദിക്കുന്നു. എ​ന്‍റെ ഉ​ദ്ദേ​ശം ക്രൂ​ര​മാ​യ കു​റ്റ​കൃ​ത്യ​ത്തെ നി​സാ​ര​മാ​ക്കു​ക​യാ​യി​രു​ന്നി​ല്ല. ഇ​നി മു​ത​ൽ ഞാ​ൻ വാ​ക്കു​ക​ൾ ശ്ര​ദ്ധാ​പൂ​ർ​വം ഉ​പ​യോ​ഗി​ക്കും’ -രമേഷ്കുമാർ പറഞ്ഞു.

രമേശ്​ കുമാറിന്‍റെ വിവാദ പരാമർശത്തെ അപലപിച്ച്​ കോൺഗ്രസ്​ നേതാവ്​ രൺദീപ്​ സുർജേവാലയും രംഗത്തെത്തിയിരുന്നു. രമേഷ്​ കുമാറിന്‍റെ ആക്ഷേപകരവും വിവേകശൂന്യവുമായ പരാമർശത്തെ ​കോൺഗ്രസ്​ പാർട്ടി ഒരിക്കലും അംഗീകരിക്കില്ലെന്നായിരുന്നു സുർജേവാലയുടെ പ്രതികരണം.