തിരുവോണദിവസം ചാനല്‍ പരിപാടിയില്‍ ബീഫ് കഴിച്ചു; നടി സുരഭി ലക്ഷ്മിക്കെതിരെ സംഘ്പരിവാര്‍

തിരുവോണദിവസം ചാനല്‍ പരിപാടിയില്‍ ബീഫ് കഴിച്ച നടി സുരഭി ലക്ഷ്മിക്കെതിരെ സംഘ്പരിവാറിന്റെ ആക്രമണം. സാമൂഹ്യമാധ്യമങ്ങളില്‍ താരത്തിനെതിരെ വന്‍ പ്രചാരണങ്ങളാണ് നടക്കുന്നത്. മീഡിയവണ്‍ ചാനലിലാണ് സുരഭിയുടെ ഓണമെന്ന പരിപാടി സംപ്രേക്ഷണം ചെയ്തത്.

21397632_1536836083006019_1552811702_n

കോഴിക്കോട്ടെ ഒരു ഹോട്ടല്‍ കേന്ദ്രീകരിച്ചായിരുന്നു പരിപാടി. പരിപാടിയില്‍ സംസാരത്തിനിടെ നടി ബീഫ് കഴിക്കുന്ന ദൃശ്യങ്ങളുണ്ടായിരുന്നു. ഇതാണ് സംഘ്പരിവാറിനെ ചൊടിപ്പിച്ചത്. സംഘ്പരിവാര്‍ ഗ്രൂപ്പുകളില്‍ പ്രത്യക്ഷപ്പെട്ട വിമര്‍ശനങ്ങള്‍ ഇപ്പോള്‍ സാമൂഹ്യമാധ്യമങ്ങളിലൂടെ പ്രചരിക്കുകയാണ്. അധിക്ഷേപിച്ചുകൊണ്ടാണ് നിരവധി പോസ്റ്റുകളുള്ളത്. ഓണ ദിവസത്തില്‍ ബീഫ് കഴിച്ചത് കേരളത്തിലെ ഹിന്ദുക്കളെ അപമാനിക്കലാണെന്നാണ് സംഘ്പരിവാറിന്റെ ആരോപണം. സുരഭിക്കു നേരെ മാത്രമല്ല, ചാനലിനെതിരേയും വിമര്‍ശനങ്ങളുണ്ട്. അടുത്ത ബലിപെരുന്നാളിന് ഏതെങ്കിലുമൊരു ചാനലില്‍ പന്നിയിറച്ചി കഴിച്ച് ഇതുപോലെയിരിക്കാന്‍ ധൈര്യമുണ്ടോയെന്നും സുരഭിയോട് സംഘ്പരിവാര്‍ ചോദിക്കുന്നു.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top