‘എന്റെ കളര്‍ സെറ്റ് സുഹൃത്തിന് കൊടുക്കണം, ഞാന്‍ പോകുന്നു’;എട്ടാം ക്ലാസ് വിദ്യാര്‍ഥി വീടുവിട്ടിറങ്ങി

തിരുവനന്തപുരം: കാട്ടാക്കടയില്‍ കുറിപ്പെഴുതി വെച്ചശേഷം എട്ടാം ക്ലാസ് വിദ്യാര്‍ഥി വീടുവിട്ടിറങ്ങി. കാട്ടാക്കട ആനക്കോട് അനിശ്രീയില്‍ (കൊട്ടാരം വീട്ടില്‍) അനില്‍കുമാറിന്റെ മകന്‍ ഗോവിന്ദനെയാണ് (13) കാണാതായത്. കള്ളിക്കാട് ചിന്തലയ സ്‌കൂള്‍ വിദ്യാര്‍ഥിയാണ്.

‘എന്റെ കളര്‍ സെറ്റ് എട്ട് എയില്‍ പഠിക്കുന്ന ആദിത്യന് കൊടുക്കണം, ഞാന്‍ പോകുന്നു’- എന്ന് കുറിപ്പെഴുതി വെച്ച ശേഷമായിരുന്നു കുട്ടി വീടുവിട്ടത്. കാട്ടാക്കട പൊലീസ് അന്വേഷണം ആരംഭിച്ചിട്ടുണ്ട്. പുലര്‍ച്ചെയാണ് ഗോവിന്ദനെ കാണാതായത്. പുലര്‍ച്ചെ 5.30ന് കുടചൂടി നടന്നുപോകുന്നതിന്റെ ദൃശ്യങ്ങള്‍ പട്ടകുളം പ്രദേശത്തെ സി.സി.ടി.വിയില്‍ പതിഞ്ഞിട്ടുണ്ട്.