പോണ്‍സ്റ്റാര്‍ എന്ന പദവിയില്‍ നിന്ന് ബോളിവുഡ് സ്റ്റാര്‍ എന്ന പദവിയിലേക്ക് എത്തിയ നടിയാണ് സണ്ണി ലിയോണ്‍. നടിയുടെ പ്രതിസന്ധി ഘട്ടങ്ങളില്‍ എന്നും കൂടെനിന്നത് ഭര്‍ത്താവ് ഡാനിയല്‍ വെബ്ബറാണ്. ഇക്കാര്യം പല അഭിമുഖങ്ങളിലും സണ്ണി വെളിപ്പെടുത്തിയിട്ടുണ്ട്. ഇന്ന് ഇരുവരുടെയും ഏഴാം വിവാഹ വാര്‍ഷികമാണ്. പണ്ടത്തേക്കാള്‍ ഒരുപാട് ഡാനിയലിനെ സ്‌നേഹിക്കുന്നുവെന്ന് സണ്ണി സോഷ്യല്‍മീഡിയയിലൂടെ ഭര്‍ത്താവിനെ അറിയിച്ചു. ‘ഏഴു വര്‍ഷം മുന്‍പ് ദൈവത്തിന്റെ മുന്‍പില്‍ വെച്ച് ഞങ്ങള്‍ പ്രതിജ്ഞയെടുത്തു. ജീവിതം എന്ത് തിരിച്ചടികള്‍ നല്‍കിയാലും ഞങ്ങള്‍ പരസ്പരം സ്‌നേഹിക്കുമെന്ന്. അന്ന് നിങ്ങളെ ഞാന്‍ സ്‌നേഹിച്ചതിനേക്കാള്‍ ഏറെ ഇന്ന് സ്‌നേഹിക്കുന്നുണ്ടെന്ന് എനിക്ക് പറയാനാകും. ജീവിതത്തിന്റെ ഭ്രാന്തമായ യാത്രയില്‍ ഒരുമിച്ചാണ് നമ്മള്‍. നിങ്ങളെ ഒരുപാട് സ്‌നേഹിക്കുന്നു…വിവാഹ വാര്‍ഷികാശംസകള്‍’ സണ്ണി പറഞ്ഞു. പ്രസവിക്കാതെ തന്നെ മൂന്ന് മക്കളുടെ അമ്മയാണ് സണ്ണി. മഹാരാഷ്ട്രയിലെ ലാത്തൂരിലെ ഒരു അനാഥാലയത്തില്‍ നിന്ന് ആദ്യ കുഞ്ഞിനെ ദത്തെടുത്തു. നിഷ കൗര്‍ വെബ്ബര്‍ എന്ന് പേരുനല്‍കി. പിന്നീട് വാടക ഗര്‍ഭപാത്രത്തിലൂടെ് അഷര്‍ സിങ് വെബ്ബര്‍, നോവ സിങ് വെബ്ബര്‍ എന്നിവരെയും സ്വന്തമാക്കി.
Top