ലോകകപ്പ് മത്സരത്തിനിടയില്‍ ആശങ്ക ; സൗദി അറേബ്യന്‍ താരങ്ങള്‍ സഞ്ചരിച്ച വിമാനത്തില്‍ തീപിടുത്തം

റോസ്‌തോവ് ഓണ്‍ ഡോണ്‍: ലോകകപ്പ് ആഘോഷത്തിനിടെ ഏവരേയും ആശങ്കയിലാഴ്ത്തി വിമാനത്തില്‍ തീപിടുത്തം. സൗദി അറേബ്യന്‍ താരങ്ങള്‍ സഞ്ചരിച്ച വിമാനത്തിനാണ് തീപിടിച്ചത്. എന്‍ജിന് തീപിച്ചതിനാല്‍ വിമാനം അടിയന്തരമായി താഴെയിറക്കി. അതേസമയം, ആശങ്കവേണ്ടെന്നും താരങ്ങള്‍ സുരക്ഷിതരാണെന്നും സൗദി ഫുട്‌ബോള്‍ അസോസിയേഷന്‍ വ്യക്തമാക്കി.

ഫിഫ ലോകകപ്പില്‍ തങ്ങളുടെ രണ്ടാം ഗ്രൂപ്പ് മത്സരത്തിനായി സെന്റ് പീറ്റേഴ്‌സ്ബര്‍ഗില്‍ നിന്ന് റോസ്‌തോവ് ഓണ്‍ ഡോണിലേക്കുള്ള യാത്രയ്ക്കിടെയാണ് വിമാനത്തിന് തീപിടിച്ചത്. എന്നാല്‍, തീപിടുത്തമായിരുന്നില്ലെന്നും  പക്ഷി വന്നിടിച്ചത് കൊണ്ടുള്ള പിഴവാണെന്നും വിമാന കമ്പനികള്‍ വിശദീകരിച്ചു. വിമാനത്തിന്റെ എന്‍ജിന്  തീപിടിക്കുന്ന ദൃശ്യങ്ങള്‍ പ്രചരിക്കുന്നുണ്ടെങ്കിലും ഇതേകുറിച്ച് കൂടുതല്‍ വ്യക്തത ലഭ്യമല്ല. ബുധനാഴ്ച ഉറുഗ്വായ്‌ക്കെതിരെയാണ് സൗദിയുടെ രണ്ടാം മല്‍സരം.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top