കൊച്ചി:നടി പത്മപ്രിയയെ ഡ്രൈവര്‍ കയറിപിടിച്ചു. സിബി മലയില്‍ ചിത്രമായ അമൃതത്തിന്റെ ഷൂട്ടിങ്ങിനിടയിലാണ് ഇത്തരമൊരു സംഭവം നടന്നത്. ലൊക്കേഷനില്‍ നിന്നും ഹോട്ടലിലേക്കുള്ള യാത്രയ്ക്കിടെയാണ് ഡ്രൈവര്‍ താരത്തോട് മോശമായി പേരുമാറിയത് .കൊച്ചിയില്‍ നടി ആക്രമിക്കപ്പെട്ട സംഭവത്തെ തുടര്‍ന്ന് സിനിമാ മേഖലയിലെ പലരും തങ്ങള്‍ക്ക് നേരെയുണ്ടായ ദുരനുഭവങ്ങള്‍ തുറന്നുപറഞ്ഞ് രംഗത്തെത്തിയിരുന്നു.അത്തരത്തില്‍ സിനിമാ ചിത്രീകരണത്തിനിടെയുണ്ടായ ഒരു അനുഭവം തുറന്നുപറയുകയായിരുന്നു നടി പത്മപ്രിയ. പ്രമുഖ സിനിമാ വാരികയായ നാനയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
സാധാരണ എവിടെപ്പോയാലും കാറില്‍ ഫ്രണ്ട് സീറ്റില്‍ ഇരിക്കാന്‍ ഇഷ്ടപ്പെടുന്ന പത്മപ്രിയ, അന്നും ഫ്രണ്ട് സീറ്റിലിരുന്നു. ഹോട്ടലിലേക്കുള്ള യാത്രയില്‍ കാറിനുള്ളില്‍ പത്മപ്രിയയും ഡ്രൈവറും മാത്രം.പല ദിവസങ്ങളിലും ഇതേ ഡ്രൈവര്‍ക്കൊപ്പം പത്മപ്രിയ സഞ്ചരിച്ചിട്ടുള്ളതുകൊണ്ട് പേടിയൊന്നും തോന്നിയിരുന്നില്ല. എന്നാല്‍, അന്ന് പത്മപ്രിയയുമായുള്ള യാത്ര ഹോട്ടലിന് മുന്നില്‍ അവസാനിക്കുമ്പോള്‍ ഡ്രൈവര്‍ പത്മപ്രിയയെ കടന്നുപിടിച്ചു. ഭയന്നുവിറച്ച പത്മപ്രിയ അലറി. നടന്‍ ജയറാം ഉള്‍പ്പെടെയുള്ളവര്‍ വിവരമറിഞ്ഞ് ഓടിവന്നു.അന്ന് ഡ്രൈവറെ താക്കീത് നല്‍കി വിട്ടയയ്ക്കുകയാണ് ചെയ്തത്.-റിപ്പോര്‍ട്ടില്‍ പറയുന്നു. പരാതി നല്‍കാനോ കേസാക്കാനോ ആരും തയ്യാറായില്ലെന്നും റിപ്പോര്‍ട്ടുകളില്‍ പറയുന്നു.
Top