ഫോട്ടോഷൂട്ട് ചിത്രങ്ങളും ജീവിതത്തിലെ രസകരമായ സംഭവങ്ങളും നടി ആര്യ സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഇപ്പോഴിതാ ഓണത്തോടനുബന്ധിച്ചുള്ള ഫോട്ടോ ഷൂട്ട് ചിത്രങ്ങളാണ് താരം പങ്കുവച്ചിരിക്കുന്നത്.
ചുവപ്പ് കരയും കസവു സാരിയില്‍ അതിസുന്ദരിയായാണ് ആര്യ എത്തിയത്. ബാക്ക്‌ലെസ് ബ്ലൗസ് ആണ് പെയര്‍ ചെയ്തത്. നിരവധി പേര്‍ ചിത്രങ്ങളെ അഭിനന്ദിച്ചെങ്കിലും അശ്ലീല കമന്റുമായി രംഗത്തുവന്നവരും ഉണ്ടായിരുന്നു. ആ ബ്ലൗസ് തിരിച്ചിട്ടിരുന്നെങ്കില്‍ നന്നായിരുന്നു എന്ന കമന്റുകളാണ് ചിത്രത്തിന് താഴെ വന്നത്.
എന്നാല്‍ താരം ഈ കമന്റുകള്‍ക്ക് നല്‍കിയ മറുപടിയാണ് ഇപ്പോള്‍ വൈറലായിരിക്കുന്നത്. ഒട്ടും മടിക്കേണ്ട, താന്‍ ധൈര്യമായി ഇട്ടു നടന്നോളൂ. ആരും നിങ്ങളെ ജഡ്ജ് ചെയ്യില്ല. അത് നിങ്ങളുടെ ചോയിസാണ് എന്നാണ് ആര്യ മറുപടി നല്‍കിയത്.
മറ്റൊരാള്‍ ആര്യയുടെ ഫോട്ടോഷൂട്ടിനെ ബി ഗ്രേഡ് മൂവികളോടാണ് ഉപമിച്ചത്. ഇതിനും ആര്യ മറുപടി നല്‍കി. ഒരു ഫ്രെയിമിലെ സൗന്ദര്യം അത് കാണുന്ന ആളുകളുടെ കണ്ണിലാണുള്ളത്. അത് നിങ്ങളുടെയും നിങ്ങളുടെ കാഴ്ചപ്പാടിനെയും ആശ്രയിച്ചിരിക്കും, ഹാപ്പി ഓണം എന്നായിരുന്നു ആര്യയുടെ മറുപടി.
Top