കോഴിക്കോട്: മടവൂർ മക്കാം സെന്ററിനു സമീപം വിദ്യാർഥി കുത്തേറ്റ് മരിച്ചു. പ്രകൃതിവിരുദ്ധ പീഡനത്തിന് വഴങ്ങാത്തതിന്റെ പേരിലായിരുന്നു കൊലപാതകം. മടവൂർ മക്കാം സിഎം സെന്റർ സ്കൂളിലെ എട്ടാം ക്ലാസ് വിദ്യാർഥി മാനന്തവാടി കാരക്കക്കാമല ചിറകിൽ മമ്മൂട്ടിയുടെ മകൻ അബ്ദുൾ മജീദ്(13) ആണ് കൊല്ലപ്പെട്ടത്.
സംഭവവുമായി ബന്ധപ്പെട്ടു കാസർഗോഡ് മൂലാടക്കം സ്വദേശി ഷംസുദ്ദീനെ പോലീസ് അറസ്റ്റു ചെയ്തു. വെള്ളിയാഴ്ച രാവിലെയായിരുന്നു സംഭവം. സ്കൂളിനു സമീപത്തായാണ് കുട്ടിയെ മരിച്ചനിലയിൽ കണ്ടെത്തിയത്. അക്രമിയെ നാട്ടുകാർ പിടികൂടി പോലീസിൽ എൽപ്പിക്കുകയായിരിന്നു. കൃത്യത്തിനുശേഷം ഇയാൾ ഓടിരക്ഷപ്പെടാൻ ശ്രമിച്ചിരുന്നു.
പ്രകൃതി വിരുദ്ധ പീഡനം എതിർത്തതിനെ തുടർന്നാണ് കൊലപാതകമെന്നാണ് പോലീസ് വ്യക്തമാക്കി. സംഭവത്തക്കുറിച്ച് വിശദമായി അന്വേഷിച്ചുവരികയാണെന്ന് കുന്നമംഗലം പോലീസ് അറിയിച്ചു. പ്രതിയെ ഇന്ന് കോടതിയിൽ ഹാജരാക്കും.