രാജസ്ഥാനിലെ കല്‍ക്കരി ചൂളയില്‍ പ്രായപൂര്‍ത്തിയാകാത്ത പെണ്‍കുട്ടിയുടെ കത്തിക്കരിഞ്ഞ മൃതദേഹം കണ്ടെത്തി. ഭില്‍വാര ജില്ലയിലെ ഒരു ഗ്രാമത്തില്‍ നിന്ന് ബുധനാഴ്ച മുതല്‍ കാണാതായ പെണ്‍കുട്ടിയുടെ മൃതദേഹമാണ് കണ്ടെത്തിയതെന്ന് പൊലീസ്. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ശേഷം ചൂളയില്‍ ഇട്ട് ചുട്ടുകൊന്നതാകാമെന്നാണ് പൊലീസ് സംശയിക്കുന്നത്.
ബുധനാഴ്ച രാവിലെ പെണ്‍കുട്ടി അമ്മയ്ക്കൊപ്പം ആടിനെ മേയ്ക്കാന്‍ വയലിലേക്ക് പോയിരുന്നു. ഉച്ചയോടെ അമ്മ വീട്ടില്‍ തിരിച്ചെത്തിയെങ്കിലും പ്രായപൂര്‍ത്തിയാകാത്ത പെണ്‍കുട്ടി തിരിച്ചെത്തിയില്ല. ഇതോടെ ആശങ്കയിലായ പെണ്‍കുട്ടിയുടെ ബന്ധുക്കളും നാട്ടുകാരും തെരച്ചില്‍ ആരംഭിച്ചു. വീട്ടുകാര്‍ നടത്തിയ തെരച്ചിലില്‍ കല്‍ക്കരി ചൂളയ്ക്ക് സമീപത്ത് നിന്ന് പെണ്‍കുട്ടിയുടെ വളയും ചെരിപ്പും കണ്ടെടുത്തു.
ചൂളയില്‍ നിന്ന് പുക ഉയരുന്നത് കണ്ട വീട്ടുകാര്‍ പരിശോധിച്ചപ്പോഴാണ് കത്തിക്കരിഞ്ഞ നിലയില്‍ മൃതദേഹം കണ്ടത്. തുടര്‍ന്ന് പൊലീസില്‍ വിവരമറിയിക്കുകയായിരുന്നു.
Top