കന്യാസ്ത്രീ പീഡനം: ജലന്ധര്‍ ബിഷപ്പിനെ ചോദ്യം ചെയ്യാന്‍ പൊലീസ്; ഡിവൈഎസ്പിയുടെ നേതൃത്വത്തില്‍ ഡല്‍ഹിക്ക് തിരിച്ചു

കൊച്ചി: കന്യാസ്ത്രീയെ പീഡിപ്പിച്ച കേസില്‍ ജലന്ധര്‍ ബിഷപ്പിനെ ചോദ്യം ചെയ്യും. കേസില്‍ ബിഷപ്പ് ഫ്രാങ്കോ മുളയ്ക്കലിനെ ചോദ്യം ചെയ്യാനായി അന്വേഷണ സംഘം ദല്‍ഹിയിലേക്ക് തിരിച്ചു. വൈക്കം ഡിവൈഎസ്പിയുടെ നേതൃത്വത്തിലാണ് ചോദ്യം ചെയ്യല്‍.

ജലന്ധര്‍ ബിഷപ്പിനെ രണ്ട് ദിവസത്തിനകം ചോദ്യംചെയ്യും. നേരത്തെ ബിഷപ്പിനെ ചോദ്യം ചെയ്യാന്‍ അന്വേഷണ സംഘത്തിന് അനുമതി നല്‍കിയതായി ഡി.ജി.പി ലോക്നാഥ് ബെഹ്‌റ അറിയിച്ചിരുന്നു.

Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

ഇതു സംബന്ധിച്ച് അന്വേഷണസംഘവുമായി ചര്‍ച്ച നടത്തിയ ശേഷമാണ് ബിഷപ്പിനെ ചോദ്യം ചെയ്യുന്ന കാര്യത്തില്‍ ഡി.ജി.പി നിലപാട് അറിയിച്ചത്. നിലവിലെ അന്വേഷണം ശരിയായ രീതിയിലാണെന്നും അദ്ദേഹം വിലയിരുത്തി.

കന്യാസ്ത്രീയുടെ പരാതിയിന്‍മേല്‍ ജലന്ധര്‍ ബിഷപ്പിനെ ചോദ്യം ചെയ്യണമെന്ന നിലപാടിലായിരുന്നു അന്വേഷണസംഘം. അതേസമയം കന്യാസ്ത്രീക്കെതിരെ പരാതി നല്‍കിയ ദമ്പതികളെ ചോദ്യംചെയ്യുമെന്നും അന്വേഷണസംഘം അറിയിച്ചു.

Top