യൂറോപ്പ്യന് രാജ്യങ്ങളിലെ വന് അഭയാര്ത്ഥി കുടിയേറ്റത്തിന് പിന്നാലെ തീവ്രവാദ സംഘടനകളും പിടിമുറുക്കുന്നതായി മൊസാദ്. ഹമാസിന്റെ വന് ഭീകര ശൃംഖല യൂറോപ്പിലുടനീളം പ്രവര്ത്തിച്ചിരുന്നതായാണ് മൊസാദിനെ ഉദ്ദരിച്ച് വാര്ത്തകള് പുറത്ത് വരുന്നത്. അയര്ലണ്ടിലുള്പ്പെയുള്ള വന് മുസ്ലീം കുടിയേറ്റവും ആശങ്കക്കിടയാക്കുകയാണ്.
ഹമാസിന്റെ ഉന്നത നേതൃത്വത്തില് നിന്നുള്ള ഉത്തരവ് ലഭിച്ചാലുടന് സിവിലയന്മാര്ക്ക് നേരെ ആക്രമണം നടത്താന് വിധത്തില് സജ്ജമായിരുന്നു ശൃംഖലയെന്നും മൊസാദ് പറയുന്നു. ഭീകരാക്രമണത്തിനായി ചെറുസംഘങ്ങളെ സ്ഥാപിക്കുകയും ആയുധങ്ങള് ശേഖരിക്കുകയും ചെയ്തിരുന്നതായി മൊസാദ് വ്യക്തമാക്കി. ഹമാസ് ബന്ധമുള്ളവരെ യൂറോപ്യന് രാജ്യങ്ങളുടെ സഹായത്തോടെ അറസ്റ്റു ചെയ്തതെന്നും ആയുധങ്ങള് കണ്ടെത്തിയെന്നും മൊസാദ് പ്രസ്താവനയില് പറഞ്ഞു. രഹസ്യ സെല്ലുകള് വഴി ഹമാസ് പ്രവര്ത്തിക്കുന്നുണ്ടെന്നാണ് ഇസ്രായേലിന്റെ രഹസ്യാന്വേഷണ വിഭാഗമായ മൊസാദ് മുന്നറിയിപ്പ് നല്കുന്നത്.
കഴിഞ്ഞ സെപ്റ്റംബറില് ഓസ്ട്രിയയിലെ വിയന്നയില് ആയുധങ്ങളും സ്ഫോടകവസ്തുക്കളും പിടിച്ചെടുത്തതോടെയാണ് ഹമാസിന്റെ ഭീകര ശൃംഖല സംബന്ധിച്ച അന്വേഷണം ആരംഭിച്ചത്.യൂറോപ്പിലെ സുരക്ഷാ സേവനങ്ങളുമായുള്ള സഹകരണത്തിലൂടെ സംശയമുള്ളവരെ അറസ്റ്റ് ചെയ്യാനും ആസൂത്രിത ആക്രമണങ്ങള് തടയാനും സാധിച്ചെന്നും മൊസാദ് അവകാശപ്പെടുന്നു.
യൂറോപ്പിലെ വിവിധ രഹസ്യാന്വേഷണ, നിയമ നിര്വ്വഹണ ഏജന്സികളുമായി സഹകരിച്ചാണ് മൊസാദ് ഈ നീക്കം നടത്തിയത്. ജര്മ്മനി, ഓസ്ട്രിയ ഉള്പ്പെടെയുള്ള രാജ്യങ്ങളില് ഇതുമായി ബന്ധപ്പെട്ട് റെയ്ഡുകള് നടന്നു.സാധാരണക്കാരെ ലക്ഷ്യമിട്ടുള്ള ആക്രമണങ്ങള്ക്കായി സംഭരിച്ചിരുന്ന സ്ഫോടകവസ്തുക്കളും ആയുധങ്ങളും പിടിച്ചെടുക്കുകയായിരുന്നു. കഴിഞ്ഞ സെപ്റ്റംബറില് ഓസ്ട്രിയയിലെ വിയന്നയില് ആയുധങ്ങളും സ്ഫോടകവസ്തുക്കളും പിടിച്ചെടുത്തതാണ് ഇക്കാര്യത്തില് വഴിത്തിരിവായത്. പിസ്റ്റളുകളും സ്ഫോടകവസ്തുക്കളും ഉള്പ്പെടെയുള്ള വന് ആയുധ ശേഖരമാണ് പിടികൂടിയത്. ഇതിന്റെ ചുവടുപിടിച്ച് നടത്തിയ അന്വേഷണത്തില് ആയുധങ്ങള് ഹമാസ് ഓപ്പറേറ്റീവായ മുഹമ്മദ് നയീമിന്റേതാണെന്ന് മൊസാദ് അറിയിച്ചു.ഗാസയിലെ ഹമാസ് നേതാവായ ഖലീല് അല്-ഹയ്യയുമായി അടുത്ത ബന്ധമുള്ള ഹമാസ് പൊളിറ്റ്ബ്യൂറോയിലെ മുതിര്ന്ന അംഗമായ ബാസെം നയീമിന്റെ മകനാണ് മുഹമ്മദ് നയീം.
ഇതിന്റെ അന്വേഷണത്തിലാണ് ജര്മ്മനി, ഓസ്ട്രിയ എന്നിവിടങ്ങളില് റെയ്ഡുകള് നടന്നത്. ഭീകരശൃംഖലയുമായി ബന്ധപ്പെട്ട് നിരവധി പേരെ കസ്റ്റഡിയിലെടുക്കുകയും ചെയ്തു. ഹമാസിന് ധനസമാഹരണം നടത്താനോ തീവ്രവാദ ആശയങ്ങള് പ്രചരിപ്പിക്കാനോ സഹായിക്കുന്നുവെന്ന് സംശയിക്കുന്ന ജീവകാരുണ്യ, മത സ്ഥാപനങ്ങളെ ജര്മനി നിരീക്ഷണ വലയത്തിലാക്കി. ദീര്ഘകാലമായി തുര്ക്കി കേന്ദ്രീകരിച്ച് പ്രവര്ത്തിക്കുന്ന, ഹമാസുമായി ബന്ധമുള്ള വ്യക്തികളേപ്പറ്റിയും അന്വേഷിക്കുന്നുണ്ട്. ഇതിന്റെ ഭാഗമായി നവംബറില് ഹമാസ് ഭീകരനായ ബുര്ഹാന് അല്-ഖത്തീബിനെ അറസ്റ്റ് ചെയ്തിരുന്നു. ഇയാള് മുമ്പ് തുര്ക്കിയില് ഹമാസുമായി ബന്ധപ്പെട്ട് സജീവമായി പ്രവര്ത്തിച്ചിരുന്ന ആളായിരുന്നുവെന്നാണ് വിവരം.
Top