കോവിഡ്, ഒമിക്രോൺ വെല്ലുവിളി: തിരഞ്ഞെടുപ്പ് കമ്മീഷൻ ഇന്ന് ആരോഗ്യ മന്ത്രാലയ ഉദ്യോഗസ്ഥരെ കാണും

ന്യൂ‍ഡൽഹി: രാജ്യത്തെ അഞ്ച് സംസ്ഥാനങ്ങളിൽ അടുത്ത വർഷം തിരഞ്ഞെടുപ്പ് നടക്കാനിരിക്കെ നിലവിലെ കൊവിഡ്-19 സാഹചര്യത്തെക്കുറിച്ച് ചർച്ച ചെയ്യാൻ കേന്ദ്ര ആരോഗ്യ സെക്രട്ടറി രാജേഷ് ഭൂഷൺ ഉൾപ്പെടെയുള്ള കേന്ദ്ര ആരോഗ്യ മന്ത്രാലയത്തിലെ മുതിർന്ന ഉദ്യോഗസ്ഥരുമായി തിരഞ്ഞെടുപ്പ് കമ്മീഷൻ (ഇസിഐ) തിങ്കളാഴ്ച യോഗം ചേരും.

ഉത്തർപ്രദേശ്, മണിപ്പൂർ, ഉത്തരാഖണ്ഡ്, ഗോവ, പഞ്ചാബ് എന്നിവയുൾപ്പെടെ അഞ്ച് സംസ്ഥാനങ്ങളിലാണ് വരും വർഷം നിയമസഭാ തിരഞ്ഞെടുപ്പ് നടക്കുന്നത്. കൊവിഡ് വകഭേദമായ ഒമൈക്രോൺ ഭീതിക്കിടയിൽ, ഉത്തർപ്രദേശിലെ നിയമസഭാ തിരഞ്ഞെടുപ്പ് ഉടൻ 1-2 മാസത്തേക്ക് മാറ്റിവയ്ക്കാൻ അലഹബാദ് ഹൈക്കോടതി വ്യാഴാഴ്ച തിരഞ്ഞെടുപ്പ് കമ്മീഷനോട് അഭ്യർത്ഥിച്ചിരുന്നു.

സംസ്ഥാനത്ത് രാഷ്ട്രീയ പാർട്ടികളുടെ റാലികളും പൊതുയോഗങ്ങളും ഉടൻ നിരോധിക്കണമെന്ന് പ്രധാനമന്ത്രി നരേന്ദ്ര മോദിയോടും ഇസിഐയോടും കോടതി ആവശ്യപ്പെട്ടു. അതേസമയം, ഞായറാഴ്ച ഇന്ത്യയിൽ 6,987 പുതിയ COVID-19 കേസുകൾ റിപ്പോർട്ട് ചെയ്തു. കേന്ദ്ര ആരോഗ്യ മന്ത്രാലയത്തിന്റെ റിപ്പോർട്ട് പ്രകാരം 162 മരണങ്ങൾ കൂടി റിപ്പോർട്ട് ചെയ്തതോടെ ആകെ മരണസംഖ്യ 4,79,682 ആയി.