Connect with us

News

ചാലക്കുടി പിടിക്കാൻ യുവ എം.എൽ.എ റോജി.എം.ജോൺ പരിഗണനയിൽ

Published

on

കൊച്ചി:കഴിഞ്ഞതവണ നഷ്ടമായ ചാലക്കുടി തിരിച്ചുപിടിക്കാൻ യുവ എം എൽ എ റോജി എം ജോണിനെ പരിഗണിക്കുന്നതാണ് സൂചന .രാഹുൽ ഗാന്ധി ടീമിലെ അംഗവും മുൻ എൻ എസ്‌ യു നേതാവുമായ റോജിക്ക് ചാലക്കുടി തിരിച്ചുപിടിക്കാനാവും എന്ന വിലയിരുത്തലിൽ ആണ് പുതിയ നീക്കം .കഴിഞ്ഞതവണ നഷ്ടപ്പെട്ട തൃശ്ശൂരും ,പാലക്കാടും ,ചാലക്കുടിയും ,കണ്ണൂരും യുവ നേതാക്കളെ ഇറക്കി പിടിച്ചെടുക്കാം എന്ന് കോൺഗ്രസ് ദേശീയ നേതൃത്വം നടത്തിയ പഠന റിപ്പോർട്ടിൽ സൂചനയുണ്ട് .അതിൽ ചാലക്കുടിയിൽ റോജി എം ജോണിനെ പോലെ ന്യുനപക്ഷസമുദായത്തെ നിർത്തിയാൽ വിജയിക്കും എന്നാണ് റിപ്പോർട്ട്.കഴിഞ്ഞതവണ ഗ്രൂപ്പ് വിരലിൽ ആണ് തൃശ്ശൂരും ചാലക്കുടിയും നഷ്ടമായത് എന്നതും എടുത്തുപറയുന്നു .റോജി നേരത്തെ തന്നെ ദൽഹി കേന്ദ്രീകരിച്ചുള്ള പ്രവർത്തനത്തിലൂടെയാണ് രാഷ്ട്രീയത്തിൽ സജീവമായത് .

കണ്ണൂർ സ്വദേശിയായ റോജി കഴിഞ്ഞതവണ അങ്കമാലിയിൽ ഇടതുസ്ഥാനാർത്ഥി ബെന്നി മൂഞ്ഞേലിയെ തോൽപ്പിച്ച് അട്ടിമറിവിജയം നേടിയത് ഏറെ ശ്രദ്ധിക്കപ്പെട്ടിരുന്നു.റോജി വിജയിച്ചു പാർലമെന്റിൽ പോയാൽ ഒഴിവു വരുന്ന വരുന്ന അങ്കമാലിയിൽ കെ.ടി.ബെന്നിയെ മത്സരിപ്പിക്കാനും നീക്കമുണ്ട് .2011 ലെ തിരഞ്ഞെടുപ്പിൽ ചാലക്കുടിയിൽ മത്സരിച്ച കെ.ടി.ബെന്നി നിസാര വോട്ടിനാണ് പരാജയപ്പെട്ടത് .രാഹുല്‍ ബ്രിഗേഡിലെ സ്ഥാനാര്‍ത്ഥിയായ ബെന്നിയെ  ഗ്രൂപ്പ് വാരി  തോൽപ്പിച്ചതാണെന്ന് ആരോപണം ഉയർന്നിരുന്നു .ബെന്നി സ്ഥലവാസികള്‍ക്ക് പരിചയമില്ലാത്തയാളാണെന്ന് പ്രചാരണവേളയില്‍ ആരോപണമുയര്‍ന്നിരുന്നു. ബെന്നിയെ മത്സരിപ്പിക്കാനാവില്ലെന്ന് സംസ്ഥാനനേതൃത്വം വാശി പിടിച്ചെങ്കിലും രാഹുല്‍ ഗാന്ധിയുടെ കടും‌പിടുത്തം മൂലമാണ് അദ്ദേഹം പട്ടികയില്‍ ഇടം പിടിച്ചത്. അപ്രതീക്ഷിതമായിട്ടായിരുന്നു കഴിഞ്ഞ ലോകസഭ തിര‍ഞ്ഞെടുപ്പില്‍ ചാലക്കുടി മണ്ഡലത്തില്‍ ചലച്ചിത്രതാരം ഇന്നസെന്റ് സ്ഥാനാര്‍ത്ഥിയായത്.kt benny -rg

ചാലക്കുടിയിൽ റോജിയെ പരിഗണിച്ചാൽ എറണാകുളത്ത് കോണ്‍ഗ്രസ് സ്ഥാനാര്‍ത്ഥിയായി സിറ്റിംഗ് എം.പി കെ.വി തോമസിനി തന്നെ ഇറക്കും . എന്നാല്‍, യുവപ്രാതിനിധ്യം വേണമെന്ന ആവശ്യം പാര്‍ട്ടിയില്‍ ഉയര്‍ന്നിട്ടുണ്ട്. അതിന്റെ ഭാഗമായി ഹൈബി ഈഡന്‍ എം.എല്‍.എയുടെ പേര് പറഞ്ഞു കേള്‍ക്കുന്നു. ഹൈക്കമാന്‍ഡ് ആവശ്യപ്പെട്ടാല്‍ മത്സരിക്കാന്‍ സന്നദ്ധനാണെന്ന് ഹൈബി ഈഡന്‍ ദേശീയ നേതൃത്വത്തെ അറിയിച്ചതായാണ് വിവരം. എന്നാല്‍, ദേശീയ നേതൃത്വവുമായി അടുത്ത ബന്ധമുള്ള കെ.വി തോമസിന് തന്നെയാകും സീറ്റെന്നാണ് പാര്‍ട്ടിക്കുള്ളിലെ സംസാരം. ആറു വട്ടം എറണാകുളത്ത് നിന്ന് ലോക്‌സഭയിലേക്കും ഒരിക്കല്‍ നിയമസഭയിലേക്കും മത്സരിച്ച മുതിര്‍ന്ന നേതാവായ കെ.വി തോമസിന് വീണ്ടും അവസരം നല്‍കുന്നതിനോട് യുവജന സംഘടനകള്‍ അത്ര താത്പര്യം പ്രകടിപ്പിക്കുന്നില്ലത്രേ.റോജിയെ ചാലക്കുടിയിൽ മത്സരിപ്പിച്ച് എറണാകുളം ഉറപ്പിക്കാൻ കെ.വി തോമസിന്റെ നീക്കം എന്നും പിന്നാമ്പുറം സംസാരം .hibi eden

തൃശ്ശൂർ ജില്ലയിലെ ചാലക്കുടി ആസ്ഥാനമായി 2008-ലെ മണ്ഡലം പുനഃക്രമീകരണത്തോടെ പുതിയ മണ്ഡലം രൂപീകൃതമായി. തൃശ്ശൂർ ജില്ലയിലെ കയ്പമംഗലം, കൊടുങ്ങല്ലൂർ, ചാലക്കുടി എന്നി മൂന്ന് നിയമസഭാമണ്ഡലങ്ങളും എറണാകുളം ജില്ലയിലെ ആലുവ, അങ്കമാലി,പെരുമ്പാവൂർ, കുന്നത്തുനാട് എന്നീ നാല് നിയമസഭാമണ്ഡലങ്ങളും ഉൾപ്പെടുന്നതാണ് ചാലക്കുടി ലോക്സഭാ മണ്ഡലം. 2001 ലെ ജനസംഖ്യയുടെ കണക്ക് അനുസരിച്ചാണ് തിരഞ്ഞെടുപ്പ് കമ്മീഷൻ ഈ മണ്ഡലത്തിന് രൂപംനൽകിയത്. 2009 ലെ പൊതുതിരഞ്ഞെടുപ്പിലാണ് ഇതിലെ ആദ്യ തിരഞ്ഞെടുപ്പ് നടന്നത്. ആ വർഷം ഇന്ത്യൻ നാഷണൽ കോൺഗ്രസ്സിലെ കെ.പി. ധനപാലൻ വിജയിച്ചു. 2014-ൽ മലയാള ചലച്ചിത്രനടനും ഇടതുസ്വതന്ത്രനുമായിരുന്ന ഇന്നസെന്റായിരുന്നു വിജയി.kv thomas

ചാലക്കുടി ലോകസഭ മണ്ഡലത്തില്‍ 76.94 ശതമാനം പേര്‍ വോട്ടു രേഖപ്പെടുത്തി. എറണാകുളം ലോകസഭ മണ്ഡലത്തില്‍ ഇത്‌ 73.56 ശതമാനമാണ്‌. ചാലക്കുടിയില്‍ 2009ല്‍ നടന്ന തിരഞ്ഞെടുപ്പിലെ പോളിങ്‌ 73.63 ശതമാനമായിരുന്നു. എറണാകുളത്ത്‌ അന്ന്‌ 72.78 ശതമാനം പേരാണ്‌ വോട്ടു ചെയ്തത്‌. ചാലക്കുടിയില്‍ 2009നെ അപേക്ഷിച്ച്‌ വോട്ടുചെയ്തവരുടെ എണ്ണത്തില്‍ 3.31 ശതമാനത്തിന്റെ വര്‍ധനയുണ്ട്‌. എറണാകുളത്ത്‌ ഇത്‌ 0.78 ശതമാനത്തിന്റെ വര്‍ധനയാണുള്ളത്‌. ചാലക്കുടിയില്‍ എല്ലാ നിയമസഭ മണ്ഡലങ്ങളിലും 70 ശതമാനത്തില്‍ കൂടുതല്‍ വോട്ട്‌ രേഖപ്പെടുത്തി. ഏറ്റവും കൂടുതല്‍ പോളിങ്‌ ശതമാനം കുന്നത്തുനാട്ടി (81.48ശതമാനം)ലും ഏറ്റവും കുറവ്‌ പോളിങ്‌ ചാലക്കുടി (73.53)യിലുമായിരുന്നു. കൈപ്പമംഗലം നിയമസഭ മണ്ഡലത്തില്‍ 74.33 ശതമാനം പേരാണ്‌ വോട്ടു ചെയ്തത്‌. കൊടുങ്ങല്ലൂരില്‍ 73.79 ശതമാനം പേര്‍ സമ്മതിദാനാവകാശം രേഖപ്പെടുത്തിയപ്പോള്‍ പെരുമ്പാവൂരില്‍ 77.96 ശതമാനം പേര്‍ പോളിങ്‌ ബൂത്തുകളിലെത്തി. അങ്കമാലിയില്‍ 78.85 ശതമാനമായിരുന്നു പോളിങ്‌ ശതമാനമെങ്കില്‍ ആലുവയില്‍ ഇത്‌ 78.41 ശതമാനമായി.

എറണാകുളം ലോകസഭ മണ്ഡലത്തിലെ കൊച്ചി, എറണാകുളം നിയമസഭ മണ്ഡലങ്ങളില്‍ ഒഴികെയുള്ള മറ്റ്‌ അഞ്ച്‌ നിയമസഭ മണ്ഡലങ്ങളിലും പോളിങ്‌ ശതമാനം 70 കടന്നിരുന്നു. കൊച്ചിയിലാണ്‌ ഏറ്റവും കുറവ്‌ പോളിങ്‌ ശതമാനം (68.39) രേഖപ്പെടുത്തിയത്‌. എറണാകുളത്ത്‌ 68.71 ശതമാനം പേര്‍ ബൂത്തുകളിലെത്തി. ഏറ്റവും കൂടുതല്‍ പോളിങ്‌ രേഖപ്പെടുത്തിയത്‌ പറവൂര്‍ (79.09) നിയമസഭ മണ്ഡലത്തിലാണ്‌. കളമശേരിയില്‍ 75.95 ശതമാനം പേര്‍ സമ്മതിദാനാവകാശം വിനിയോഗിച്ചു. വൈപ്പിനില്‍ 74.79 ശതമാനം പേര്‍ വോട്ടു ചെയ്തപ്പോള്‍ തൃപ്പൂണിത്തുറയില്‍ ഇത്‌ 73.79 ശതമാനവും തൃക്കാക്കരയില്‍ 72.16 ശതമാനം പേരുമാണ്‌ വോട്ടു രേഖപ്പെടുത്തിയത്‌. എറണാകുളത്ത്‌ 2009ലെ തിരഞ്ഞെടുപ്പിനെ അപേക്ഷിച്ച്‌ കൊച്ചി നിയമസഭ മണ്ഡലത്തില്‍ മാത്രമാണ്‌ പോളിങ്‌ ശതമാനം കുറഞ്ഞത്‌.innocent-mp

കഴിഞ്ഞ തിരഞ്ഞെടുപ്പില്‍ 70.44 ശതമാനമായിരുന്നു കൊച്ചിയിലെ പോളിങ്‌. എന്നാല്‍ ഇക്കുറി അത്‌ 68.39 ശതമാനമായി കുറഞ്ഞു. എന്നാല്‍ മറ്റു നിയമസഭ മണ്ഡലങ്ങളിലെല്ലാം പോളിങ്‌ ശതമാനത്തില്‍ നേരിയ വര്‍ധനയുണ്ടായിട്ടുണ്ട്‌. എറണാകുളം, തൃക്കാക്കര, പറവൂര്‍ മണ്ഡലങ്ങളില്‍ രണ്ടു ശതമാനത്തിലേറെയാണ്‌ വര്‍ധന. 2009ല്‍ പറവൂരില്‍ 77.62 ശതമാനമായിരുന്ന പോളിങ്‌ ഇക്കുറി 79.09 ആയി ഉയര്‍ന്നു. എറണാകുളത്ത്‌ 66.97 ശതമാനത്തില്‍ നിന്ന്‌ 68.71 ശതമാനമായും തൃക്കാക്കരയില്‍ 69.96 ശതമാനത്തില്‍ നിന്ന്‌ 72.16 ശതമാനമായും ആണ്‌ ഉയര്‍ന്നത്‌. കളമശേരിയില്‍ 75.28 ശതമാനത്തില്‍ നിന്ന്‌ 75.95 ആയും വൈപ്പിനില്‍ 74.48 ല്‍ നിന്ന്‌ 74.79 ആയും തൃപ്പൂണിത്തുറയില്‍ 73.13ല്‍ നിന്ന്‌ 73.79 ശതമാനമായും ആണ്‌ ഉയര്‍ന്നത്‌.

ചാലക്കുടി ലോകസഭ മണ്ഡലത്തില്‍ 2009ല്‍ നിന്ന്‌ വ്യത്യസ്തമായി എല്ലാ നിയമസഭ മണ്ഡലങ്ങളിലും ശരാശരി രണ്ടു ശതമാനത്തിനു മുകളില്‍ കൂടുതലായി പോളിങ്‌ നടന്നിട്ടുണ്ട്‌. കൊടുങ്ങല്ലൂര്‍ മണ്ഡലത്തില്‍ അന്നത്തെ അപേക്ഷിച്ച്‌ അഞ്ചു ശതമാനം കൂടുതല്‍ പോളിങ്‌ നടന്നിട്ടുണ്ട്‌. 2009ല്‍ അവിടെ 68 ശതമാനമായിരുന്ന പോളിങ്‌ ഇക്കുറി 73.79 ആയാണ്‌ ഉയര്‍ന്നത്‌. ചാലക്കുടിയില്‍ 70.07 ആയിരുന്നത്‌ 73.53 ശതമാനമായും അങ്കമാലിയില്‍ 75.07 ആയിരുന്നത്‌ 78.85 ആയും ആലുവയില്‍ 75.66 ആയിരുന്നത്‌ 78.41 ശതമാനമായും ഉയര്‍ന്നു. കൈപ്പംഗലത്ത്‌ കഴിഞ്ഞ തവണത്തെ അപേക്ഷിച്ച്‌ രണ്ടു ശതമാനം വര്‍ധനയാണുണ്ടായത്‌. കഴിഞ്ഞതവണ 72.48 ശതമാനമായിരുന്ന പോളിങ്‌ ഇക്കുറി 74.33 ആയി ഉയര്‍ന്നു. പെരുമ്പാവൂരിലും കുന്നത്തുനാട്ടിലും രണ്ടു ശതമാനത്തോളം വര്‍ധനയാണ്‌ പോളിങ്ങില്‍ ഉണ്ടായത്‌. പെരുമ്പാവൂരില്‍ കഴിഞ്ഞതവണ 75.06 ആയിരുന്ന പോളിങ്‌ ഇക്കുറി 77.96 ആയും കുന്നത്തുനാട്ടില്‍ 79.78 ശതമാനമായിരുന്നത്‌ 81.48 ആയുമാണ്‌ ഉയര്‍ന്നത്‌.

Advertisement
Column11 mins ago

മുഖ്യമന്ത്രിയെ പിന്തുണച്ച് കലക്ടർ… ആ സ്ത്രീ അകാരണമായി പ്രകോപിതയായി കയർത്തു സംസാരിച്ചു

mainnews24 mins ago

നിഷയെ വെട്ടാൻ പി.ജെ. ജോസഫിന്റെ കിടിലൻ തന്ത്രം..ചിഹ്നവും വിപ്പും ഉറപ്പാക്കി ആദ്യ നീക്കം, ഉന്നതാധികാര സമിതിയില്‍നിന്ന് 27 നേതാക്കളെ പുറത്താക്കി

Crime7 hours ago

കോടതിയില്‍ ഹാജരായ കൊടുങ്ങല്ലൂര്‍ സ്വദേശി അബ്ദുള്‍ ഖാദര്‍ റഹിമിനെ പോലീസ് ബലമായി കസ്റ്റഡിയിലെടുത്തു; ഒപ്പമുണ്ടായിരുന്ന സ്ത്രീയും കസ്റ്റഡിയില്‍. തൃശ്ശൂര്‍ സ്വദേശിയെ കോടതിയില്‍ നിന്നും പൊലീസ് പിടികൂടി

National12 hours ago

അരുണ്‍ ജെയ്റ്റ്ലിയുടെ മരണവാര്‍ത്ത വേദനിപ്പിക്കുന്നു: കോണ്‍ഗ്രസ്

National12 hours ago

കശ്മീര്‍ സന്ദര്‍ശനം; രാഹുല്‍ ഗാന്ധിയെ വിമാനത്താവളത്തില്‍ തടഞ്ഞു

National12 hours ago

ലോക ബാഡ്‌മിന്‍റണ്‍ ചാമ്പ്യന്‍ഷിപ്പ്; പി വി സിന്ധു മൂന്നാം ഫൈനലില്‍

Kerala13 hours ago

അവിടെ പോയിരിക്ക് !!!മാനസിക അസ്വാസ്ഥ്യം പ്രകടിപ്പിച്ച സ്ത്രീയോട് പൊട്ടിത്തെറിച്ച് പിണറായി വിജയൻ

Featured13 hours ago

കെവിന്‍ വധക്കേസ്; വിധിപറയുന്നത് മാറ്റി

Kerala13 hours ago

സിസ്റ്റർ ലൂസി കളപ്പുരക്ക് എതിരെ വനിതാ കമ്മീഷനിൽ പരാതികൊടുക്കുമെന്ന് ഭീഷണി ! പരാതി പിൻവലിച്ചില്ലെങ്കിൽ നിയമനടപടി സ്വീകരിക്കുമെന്ന് എഫ്സിസി മുന്നറിയിപ്പ്..

Kerala13 hours ago

ഭൂമി കുംഭകോണം; കർദിനാൾ ആലഞ്ചേരിക്ക് തിരിച്ചടി, വിചാരണ നേരിടണമെന്ന് കോടതി വിധി.. സഭ ആസ്ഥാനത്ത്‌ കുടിൽ കെട്ടി സമരം ചെയ്യുന്നത് വിശ്വാസികൾ മാറ്റി !!

Featured4 weeks ago

ശശി തരൂർ ബിജെപിയിൽ ജെയ്റ്റ്‌ലിക്ക് പകരക്കാരനാകും ?കോണ്‍ഗ്രസ് ദുര്‍ബലമാകുമ്പോൾ മോദിക്ക് പിന്തുണയുമായി തരൂരിന്റെ നീക്കം

Kerala3 weeks ago

വഫ ഫിറോസിന്റെ മൊഴി പുറത്ത്..!! പതിനാറ് വയസ്സുള്ള മകളുണ്ട്, ശ്രീറാമിന് ഗുഡ്‌നൈറ്റ് സന്ദേശം അയച്ചു

Investigation3 weeks ago

കാർ അപകടത്തിൽപ്പെട്ടത് ഗൾഫുകാരന്റെ ഭാര്യയുമൊത്ത് ഉല്ലസിച്ച് മടങ്ങുമ്പോൾ.മാധ്യമശ്രദ്ധ നേടുന്നവരുടെ സൌഹൃദം സ്ഥാപിക്കലാണ് വഫ ഫിറോസിന്റെ ബലഹീനത!!.

Column3 weeks ago

ശ്രീറാമിന്റെ കാർ അപകടത്തിൽ ദുരൂഹത !..പോറൽ പോലും ഏൽക്കാതെ വഫ ഫിറോസ് എന്ന യുവതി ശ്രീറാം മദ്യപിക്കില്ലെന്നു വെളിപ്പെടുത്തൽ !മാധ്യമ പ്രവർത്തകന്റെ പോസ്റ്റ് വൈറൽ !…

Crime4 weeks ago

കൊന്നോട്ടേ എന്ന ചോദ്യത്തിന് കൊന്നോളാന്‍ മറുപടി നല്‍കി രാഖി, കഴുത്തില്‍ കയര്‍ മുറുകിയപ്പോള്‍ രാഖി പറഞ്ഞത് ഒഴിഞ്ഞുതരാം എന്നാണോ? കൈവെച്ചു പോയതിനാല്‍ പിന്നെ തീര്‍ത്തേക്കാമെന്ന് കരുതിയെന്ന് അഖില്‍

News3 weeks ago

ആയിരം പെണ്ണിന്റെ മാറിൽ പിടിച്ചവൻ അബദ്ധത്തിൽ പെണ്ണിന്റെ മാറിൽ തൊട്ടവനെ ആദ്യം അടിക്കും.ശ്രീറാം വെങ്കിട്ടരാമന്‍റെ ചോര കുടിക്കുന്നവരോട് തോക്ക് സ്വാമി!!

Kerala3 weeks ago

വഫ ഫിറോസിന്‍റെ പാതിരാ മെസ്സേജ്.. കുടുങ്ങേണ്ടത് കൊമ്പൻമാർ!!വിലപ്പെട്ട തെളിവുകൾ സുരക്ഷിതമാകുമോ ?

Crime2 weeks ago

കുമ്പസാരത്തിനിടെ വൈദികന്റെ പീഡനശ്രമം!!കാല്‍മുട്ടുകളിലും തുടകളിലും തലോടി,വസ്ത്രത്തിനുള്ളിലും കൈകടത്തി!!! യു.എസില്‍ അറസ്റ്റിലായ കത്തോലിക്കാ വൈദികനെതിരെ പെണ്‍കുട്ടികളുടെ മൊഴി.

Article1 day ago

പ്രകൃതിവിരുദ്ധമായ രതികളോട് മാത്രം താല്പര്യം ഉള്ള ഭർത്താവ് !!ഭര്‍ത്താവിന്റെ ലൈംഗികാക്രമണം അതിഭീകരം.കുടുംബക്കാര്‍ അവളെ പിഴച്ചവള്‍ എന്ന് പറഞ്ഞു അട്ടഹസിച്ചു; അമ്മ അനുഭവിക്കേണ്ടി വന്ന കൊടും ക്രൂരത തുറന്ന് പറഞ്ഞ് മകള്‍

Crime3 weeks ago

വീരനായകന്‍ വില്ലനായി…ശ്രീറാം വെങ്കിട്ടരാമന്‍റെ വന്‍ പതനം.ശ്രീറാമിനൊപ്പമുണ്ടായിരുന്ന വഫ ഫിറോസ് എന്ന മോഡല്‍

Trending

Copyright © 2019 Dailyindianherald