മോസ്‌കോ: പോക്കിമോന്‍ ഗെയിം നിമിഷങ്ങള്‍ക്കകമാണ് ജനശ്രദ്ധയാകര്‍ഷിച്ചത്. സോഷ്യല്‍ മീഡിയയിലെ ചര്‍ച്ചാവിഷയവും പോക്കിമോന്‍ തന്നെയായിരുന്നു. എന്നാല്‍, പോക്കിമോന്‍ ഒരാളെ പീഡിപിച്ചുവെന്ന് കേട്ടാല്‍ നിങ്ങള്‍ വിശ്വസിക്കുമോ? റഷ്യക്കാരിയായ യുവതി ഞെട്ടിപ്പിക്കുന്ന പരാതിയുമായാണ് പോലീസ് സ്‌റ്റേഷനിലെത്തിയത്.
തന്റെ കിടപ്പുമുറിയില്‍ വച്ച് പോക്കിമോന്‍ തന്നെ ബലാത്സംഗം ചെയ്തുവെന്നും ഇപ്പോഴും തന്റെ മുറിയില്‍ പോക്കിമോന്‍ ഒളിച്ചിരിക്കുന്നുണ്ടെന്നുമാണ് യുവതിയുടെ പരാതി. പൊലീസിനെ കുഴയ്ക്കുന്ന പരാതിയുമായി സ്റ്റേഷനിലെത്തിയ യുവതിയെ കണ്ട് പൊലീസ് ആദ്യം ഒന്നമ്പരന്നുവെങ്കിലും യുവതിയെ മാനശാസ്ത്രജ്ഞനെ കാണിക്കണമെന്ന് ഭര്‍ത്താവിന് നിര്‍ദ്ദേശം നല്‍കി ഇരുവരേയും പറഞ്ഞുവിട്ടു.
രാത്രി ഭര്‍ത്താവിനോടൊപ്പം കിടന്നുറങ്ങിയ താന്‍ രാവിലെ ഉണര്‍ന്നപ്പോള്‍ വലിയ ഒരു പോക്കിമോന്‍ തന്റെ ശരീരത്തിനു മേല്‍ കിടക്കുന്നുണ്ടായിരുന്നുവെന്നും ബലാത്സംഗത്തിനു ശേഷമുള്ള കിടപ്പായിരുന്നു അതെന്നുമായിരുന്നു യുവതിയുടെ പരാതി. തന്റെ കിടപ്പുമുറിയിലും വീടിനു സമീപത്തുമായി നിരവധി പോക്കിമോനുകള്‍ കറങ്ങിനടക്കുന്നുണെന്നുമാണ് യുവതിയുടെ പരാതി. തന്റെ വീട്ടിലെ വളര്‍ത്തുനായകള്‍ക്ക് ഇവയെ തിരിച്ചറിയാന്‍ സാധിക്കുന്നുണ്ടെന്നും യുവതി പറയുന്നു.
അമേരിക്കയില്‍ മാത്രം പോക്കിമോന്‍ ഗോ ഗെയിം നിലവില്‍ വന്ന് ഒരാഴ്ചയ്ക്കുള്ളില്‍ 15 മില്ല്യണ്‍ ആള്‍ക്കാരാണ് ഗെയിം ഡൗണ്‍ലോഡ് ചെയ്തത്. പോക്കിമോനെ പിടിക്കാന്‍ ആളുകള്‍ നിരോധിത മേഖലയിലേക്ക് വരെ അനുവാദമില്ലാതെ കടന്നത് വലിയ വാര്‍ത്തകള്‍ക്ക് വഴിവച്ചിരുന്നു. തുടര്‍ന്ന് ഗെയിം നിരോധിക്കണമെന്ന ആവശ്യവുമായി നിരവധി മള്‍ട്ടിനാഷണല്‍ കമ്പനികള്‍ രംഗത്തെത്തുകയും ചെയ്തു.
Top