സൗബിന്‍ വിവാഹിതനാവുന്നു

യുവ സംവിധായകനും ജനപ്രിയ നടനുമായ സൗബിന്‍ സാഹിര്‍ വിവാഹിതനാവുന്നതായി വിവരം. സോഷ്യല്‍ മീഡിയയിലൂടെയാണ് സൗബിന്റെ വിവാഹം സംബന്ധിച്ച വിവരങ്ങള്‍ പുറത്തായത്. ജാമിയ സഹീർ ആണ് വധു. ഇരുവരുടെയും വിവാഹനിശ്ചയം കഴിഞ്ഞതായാണ് അടുത്ത വൃത്തങ്ങൾ നൽകുന്ന സൂചന. നടനെന്ന നിലയിലും സംവിധായകനെന്ന നിലയിലും മലയാളി പ്രേക്ഷകരെ വിസ്മയിപ്പിച്ച പ്രിയ താരത്തിന്റെ വിവാഹ വാര്‍ത്ത സോഷ്യല്‍ മീഡിയയില്‍ സജീവമായിരിക്കുകയാണ്. കഴിഞ്ഞ ദിവസം കോഴിക്കോടെത്തിയ സൗബിന്‍ ജാമിയക്കൊപ്പം നില്‍ക്കുന്ന ചിത്രം രേഷ്മ സഫര്‍ ആണ് പുറത്തു വിട്ടത്.