ആടുജീവിതം വരുന്നു: വൈറലായി ചിത്രം

മലയാള സിനിമയെ ലോകത്തിന്റെ നെറുകയില്‍ എത്തിക്കാന്‍ ആടുജീവിതം വരുന്നു എന്ന ടാഗ് ലെയ്നോടെയാണ് ചിത്രം പങ്കുവെച്ചിരിക്കുന്നത്. ചിത്രത്തിലെ പൃഥ്വിരാജിന്റെ ലുക്ക് തന്നെയാണ് ഹൈലൈറ്റ് ചെയ്തിരിക്കുന്നത്. വര്‍ഷങ്ങളോളം പൃഥ്വി ഈ സിനിമയ്ക്ക് വേണ്ടി തന്റെ കരിയര്‍ തന്നെ മാറ്റി വെച്ചിട്ടുണ്ടെന്നാണ് നടന്‍ തന്നെ പല അഭിമുഖങ്ങളിലും വ്യക്തമാക്കിയിട്ടുള്ളത്.

അതേസമയം, ചിത്രം മലയാള സിനിമയെ ലോകത്തിന്റെ നെറുകയിലേക്ക് ഉയര്‍ത്തുമെന്ന് തന്നെയാണ് പ്രേക്ഷകര്‍ വിശ്വസിക്കുന്നത്. അത്രത്തോളം പ്രോമിസിംഗ് ആയ ട്രൈലെര്‍ ആയിരുന്നു പുറത്തു വന്നതും. ബെന്യാമിന്റെ കഥ തിരക്കഥയാക്കിയിരിക്കുന്നത് സംവിധായകന്‍ ബ്ലെസി തന്നെയാണ്. എ ആര്‍ റഹ്‌മാനാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്.