സാമന്തയും നാഗ ചൈതന്യയും ദാമ്പത്യം 2021ലാണ് വേര്‍പിരിഞ്ഞത്. ഇപ്പോള്‍ ഇതാ ഇരുവരും വീണ്ടും ഒരുമിക്കാന്‍ പോവുന്നു എന്ന തരത്തിലുള്ള വാര്‍ത്തകളാണ് ഇപ്പോള്‍ സമൂഹമാധ്യമങ്ങളില്‍ പ്രചരിക്കുന്നത്. ഇരുവരുടെയും വിവാഹ ഫോട്ടോ സാമന്ത ഇന്‍സ്റ്റാഗ്രാമില്‍ പങ്കുവച്ചതോടെയാണ് ഇരുവര്‍ക്കും ഇടയിലുണ്ടായിരുന്ന പ്രശ്‌നങ്ങള്‍ തീര്‍ത്ത് ഒരുമിക്കുകയാണോ എന്ന സംശയം കനക്കുന്നത്. നേരത്തെ ഇരുവരും പിരിഞ്ഞതിന് ശേഷം നാഗ ചൈതന്യയുമായി ബന്ധപ്പെട്ട എല്ലാ ചിത്രങ്ങളും സാമന്ത ആര്‍ക്കേവ് ചെയ്തിരുന്നു.
അടുത്തിടെ സാമന്തയുടെ അഭിമുഖങ്ങളില്‍ എല്ലാം മുന്‍ ഭര്‍ത്താവിനെക്കുറിച്ചോ, അദ്ദേഹത്തിന്റെ കുടുംബത്തെക്കുറിച്ചോ മോശമായി ഒന്നും തന്നെ പ്രതികരിച്ചിരുന്നില്ല. വിവാഹ മോചനത്തിലേക്ക് നയിച്ച കാരണങ്ങള്‍ ഒന്നും സാമന്ത പരസ്യമായി വെളിപ്പെടുത്തിയും ഇരുന്നില്ല. ഇപ്പോള്‍ എന്തിനാണ് നാഗ ചൈതന്യയുമായി ഉള്ള ചിത്രങ്ങള്‍ സാമന്ത വീണ്ടും പബ്ലിക്കാക്കിയത് എന്ന ചോദ്യമാണ് സമൂഹ മാധ്യമങ്ങളില്‍ ഉയരുന്നത്.
Top