ട്രെയിനിലെ ശുചിമുറി അടിച്ചുതകര്‍ത്തു; അക്രമം നടത്തിയ യുവാവ് പിടിയില്‍; മയക്കുമരുന്ന് ഉപയോഗിക്കുന്നയാളാണ് പ്രതിയെന്ന് പൊലീസ്

കണ്ണൂര്‍: കണ്ണൂരില്‍ ട്രെയിനിലെ ശുചിമുറി അടിച്ചുതകര്‍ത്ത് യുവാവിന്റെ പരാക്രമം. കുര്‍ള-തിരുവനന്തപുരം എക്‌സ്പ്രസിന്റെ ശുചിമുറിയാണ് തകര്‍ത്തത്. അക്രമം നടത്തിയ മംഗളൂരു കാര്‍വാര്‍ സ്വദേശി സൈമണിനെ ആര്‍.പി.എഫ് കസ്റ്റഡിയിലെടുത്തു.

മയക്കുമരുന്ന് ഉപയോഗിക്കുന്നയാളാണ് പ്രതിയെന്ന് പൊലീസ് പറഞ്ഞു. ആര്‍.പി.എഫ് എസ്.ഐ മനോജ് കുമാറിന്റെ നേതൃത്വത്തിലാണ് യുവാവിനെ പിടികൂടിയത്.