‘ബിജെപിയും കോണ്‍ഗ്രസും ഒറ്റക്കെട്ട്’? ബിജെപി നേതാവിനൊപ്പം ക്ഷേത്ര ദര്‍ശനം നടത്തി ചാണ്ടി ഉമ്മന്‍

തിരുവനന്തപുരം: ബിജെപി നേതാവും തിരുവനന്തപുരം വാര്‍ഡ് കൗണ്‍സിലറുമായ ആശാനാഥിനൊപ്പം നെയ്യാറ്റിന്‍കരയിലെ ചെങ്കല്‍ ശിവ ക്ഷേത്രത്തില്‍ ദര്‍ശനം നടത്തി നിയുക്ത എംഎല്‍എ ചാണ്ടി ഉമ്മന്‍. തിരഞ്ഞെടുപ്പ് വിജയത്തിന് തൊട്ട് പിന്നാലെയായിരുന്നു ക്ഷേത്ര ദര്‍ശനം. തുലാഭാരം നടത്തിയതിന് ശേഷമായിരുന്നു ചാണ്ടി ഉമ്മന്‍ ക്ഷേത്രത്തില്‍ നിന്നും മടങ്ങിയത്.

ആശാനാഥാണ് ചാണ്ടി ഉമ്മനൊപ്പം ചെങ്കല്‍ മഹേശ്വരം ശ്രീ ശിവപാര്‍വതി ക്ഷേത്രത്തിലെത്തിയ ചിത്രങ്ങള്‍ പങ്കുവെച്ചത്. ബിജെപിയും കോണ്‍ഗ്രസും ഒറ്റക്കെട്ടാണെന്ന വിമര്‍ശനങ്ങള്‍ക്ക് ശക്തി പകരുന്നതാണ് പുറത്തു വന്നിരിക്കുന്ന ചിത്രങ്ങള്‍.