വാഷിംഗ്ടണ്: അമേരിക്കയിലെ കാലിഫോര്ണിയയില് സെല്ഫി എടുക്കന്നതിനിടെ കൊക്കയില് വീണ് മലയാളി ദമ്പതികളായ വിഷ്ണു(29) മീനാക്ഷി(29) എന്നിവര് മരിച്ച വാര്ത്ത ഞെട്ടലോടെയാണ് ഏവരും കേട്ടത്. അപകടം നടന്ന സമയത്ത് ഇരുവരും മദ്യലഹരിയിലായിരുന്നെന്ന് പോസ്റ്റ്മോര്ട്ടം റിപ്പോര്ട്ട്. ഒക്ടോബര് 26നായിരുന്നു സംഭവം നടന്നത്.
കതിരൂര് ശ്രേയസ് ആശുപത്രി ഉടമ ഡോ.എ.വി വിശ്വനാഥന്, ഡോ.സുഹാസിനി ദമ്പതികളുടെ മകന് ബാവുക്കം വീട്ടില് വിഷ്ണുവും ഭാര്യ മീനാക്ഷിയും സെല്ഫി എടുക്കുന്നതിനിടെ കൊക്കയില് വീണ് മരിച്ചത്.
കമിതാക്കളുടെ വളരെ ഇഷ്ടപ്പെട്ട ഇടമായ യോസാമിറ്റിയില് ടാഫ്റ്റ് പോയിന്റ് പാറക്കെട്ടില് വച്ചാണ് അപകടം നടന്നത്. കമിതാക്കള് ഇവിടെ വെച്ച് പ്രണാഭ്യര്ത്ഥനകളും വിവാഹാഭ്യര്ത്ഥനകളും നടത്താറുണ്ട്.
ട്രക്കിങ്ങിനിടെ പര്വ്വത നിരകളില് നിന്നും തെന്നിവീണ് ഇരുവരും മരിക്കുകയായിരുന്നെന്നാണ് ബന്ധുക്കള്ക്ക് ലഭിച്ച വിവരം. യോസാമിറ്റി നാഷണല് പാര്ക്കില് ട്രക്കിങ്ങിനിടെ 3500 അടി ഉയരത്തില് നിന്നും ഇരുവരും വീഴുകയായിരുന്നു. സംഭവത്തിന് മുമ്പ് ഇരുവരും എത്തില് ആല്ക്കഹോള് അശം അടങ്ങിയ മദ്യം കഴിച്ചിരുന്നതായി പോസ്റ്റ്മോര്ട്ടം റിപ്പോര്ട്ടില് പറയുന്നു. തലയ്ക്കേറ്റ പരുക്കുകളാണ് ഇരുവരുടേയും മരണകാരണമെന്നും റിപ്പോര്ട്ടില് പറയുന്നു. എന്നാല് എത്രമാത്രം അളവിലാണ് ഇരുവരും മദ്യപിച്ചിരുന്നതെന്ന് റിപ്പോര്ട്ടില് വ്യക്തമാക്കുന്നില്ല.- ഡെയ്ലി മെയിലാണ് ഇത് റിപ്പോര്ട്ട് ചെയ്തത്.
വിഷ്ണുവും മീനാക്ഷിയും ചെങ്ങന്നൂരിലെ എന്ജിനിയറിംഗ് കോളേജില് സഹപാഠികളായിരുന്നു. പ്രണയം പിന്നീട് വിവാഹത്തില് എത്തുകയായിരുന്നു. അമേരിക്കയില് സോഫ്റ്റ്വെയര് എന്ജിനിയറായ വിഷ്ണു ഓഫിസില് എത്താത്തതിനെ തുടര്ന്ന് സഹപ്രവര്ത്തകര് അന്വേഷണം നടത്തുന്നതിനിടയിലാണ് സംഭവം പുറത്തറിയുന്നത്.
Top