കൊച്ചി: ലൈംഗികാതിക്രമത്തിന് സംവിധായകന് രഞ്ജിത്തിനെതിരെ തെളിവുകള് ലഭിച്ചിട്ടുണ്ടെന്ന് എസ്ഐടി. രഞ്ജിത്തിനെതിരായ ലൈംഗികാതിക്രമ കേസില് എസ്ഐടി അന്വേഷണം പൂര്ത്തിയായി. കുറ്റപത്രം ഉടന് സമര്പ്പിക്കും.രഞ്ജിത്തിനെ ഒളിവില് പോകാന് നടന് ബോബി കുര്യന് സഹായിച്ചതിനും തെളിവുകള് ലഭിച്ചിട്ടില്ല എന്നും അന്വേഷണസംഘം അറിയിച്ചു. കുറ്റപത്രം അന്തിമ ഘട്ടത്തിലാണെന്നാണ് സൂചന.
അതേസമയം, ജാമ്യവ്യവസ്ഥയില് ഇളവ് ആവശ്യപ്പെട്ട് രഞ്ജിത്ത് കോടതിയെ സമീപിക്കും. ജില്ല വിട്ട് പുറത്ത് പോകണമെന്ന ആവശ്യം അടക്കം കോടതിയില് ഉന്നയിക്കും. ഹര്ജി നാളെ നല്കാനാണ് തീരുമാനം.ലൈംഗിക അതിക്രമ കേസില് രഞ്ജിത്തിനെതിരെ തെളിവുകളുണ്ടെങ്കിലും രഞ്ജിത്ത് അതിജീവിതയെ ഭീഷണിപ്പെടുത്തിയെന്നത് തെളിയിക്കുന്ന വിവരങ്ങളൊന്നും അന്വേഷണസംഘത്തിന് ലഭിച്ചിട്ടില്ല.
കേസിന് മുമ്പ് ചില ഒത്തുതീര്പ്പ് ശ്രമങ്ങള് നടന്നതായി വിവരമുണ്ട്. കേസില് എസ്ഐടി കൂടുതല് വകുപ്പുകള് ഉള്പ്പെടുത്തില്ല. രഞ്ജിത്തിനെ ബോബി കുര്യനും സഹസംവിധായക ശാലിനിയും സഹായിച്ചു എന്നതിനും തെളിവുകളില്ല. അതേസമയം ജാമ്യ വ്യവസ്ഥയില് ഇളവുകള് ആവശ്യപ്പെട്ട് രഞ്ജിത്ത് കോടതിയെ സമീപിച്ചേക്കുമെന്നാണ് വിവരം. ജില്ല വിട്ട് പുറത്ത് പോകണമെന്നടക്കമുള്ള ആവശ്യം കോടതിയില് ഉന്നയിക്കും.
Top