കാമുകനാകാന്‍ കഴിയില്ല; മകളെ പോലെ കാണുന്ന കൃതിക്കൊപ്പം നായകനാവാന്‍ സാധിക്കില്ല; നടന്‍ വിജയ് സേതുപതി

നടി കൃതി ഷെട്ടിയുടെ നായകനായി അഭിനയിക്കില്ലെന്ന് വ്യക്തമാക്കി നടന്‍ വിജയ് സേതുപതി. ഉപ്പെണ്ണ എന്ന തെലുങ്ക് സിനിമയില്‍ വിജയ് സേതുപതിയുടെ മകളുടെ വേഷത്തിലാണ് കൃതി അഭിനയിച്ചത്. മകളെ പോലെ കാണുന്ന കൃതിക്കൊപ്പം നായകനാവാന്‍ സാധിക്കില്ല എന്നാണ് താരം വ്യക്തമാക്കിയത്.

റിലീസ് ചെയ്ത ചിത്രമായിരുന്നു ഉപ്പെണ്ണ, വന്‍ വിജയമായി മാറിയ ചിത്രം മികച്ച തെലുങ്ക് സിനിമയ്ക്കുള്ള ദേശിയ പുരസ്‌കാരവും നേടി. ചിത്രത്തില്‍ കൃതി അഭിനയിച്ച കഥാപാത്രത്തിന്റെ അച്ഛനായാണ് വിജയ് എത്തിയത്. ഈ ചിത്രത്തിന് ശേഷം ഇരുവരെയും പ്രധാന കഥാപാത്രങ്ങളാക്കി തമിഴില്‍ പല സിനിമകളും പദ്ധതിയിട്ടെങ്കിലും നായകനാകാന്‍ വിജയ് സേതുപതി വിസമ്മതിക്കുകയായിരുന്നു. ഒരിക്കലും കൃതിയുടെ നായകനായി അഭിനയിക്കില്ല എന്നാണ് താരം പറഞ്ഞത്.