സ്ത്രികള്‍ക്കെതിരെ തുടരുന്ന ലൈംഗികാക്രമണങ്ങള്‍ക്കെതിരെ സൗന്ദര്യ മത്സരത്തില്‍ വ്യത്യസ്ഥ പ്രതിഷേധവുമായി ഒരുപറ്റം സുന്ദരികള്‍. ബ്രസീലിലെ സാവോ പോളോയില്‍ നടന്ന മിസ് ബംബം സൗന്ദര്യ മത്സരത്തിനെത്തിയ അഞ്ച് മത്സരാര്‍ത്ഥികള്‍ക്കാണ് ഗ്ലാമര്‍ ലോകത്ത് നിലനില്‍ക്കുന്ന ചൂഷണങ്ങള്‍ക്കെതിരെ മാംസം കൊണ്ട് തയ്യാറാക്കി ബിക്കിനിയണിഞ്ഞ് പ്രതിഷേധിച്ചത്.
ബോളീവുഡ് സിനിമയില്‍ നിന്നും ഹാര്‍വീ വെയ്ന്‍സ്റ്റീനില്‍ നിന്നും മറ്റും നേരിടേണ്ടി വന്ന ലൈംഗിക പീഡന കഥകളുമായി ഒരു നടി എങ്കിലും ദിനംപ്രതി സോഷ്യല്‍ മീഡിയയിലൂടെ രംഗത്ത് വരുന്നുണ്ട്. ഈ സാഹചര്യത്തിലാണ് സ്ത്രീകള്‍ക്കെതിരെ നടക്കുന്ന ആക്രമങ്ങള്‍ക്കെതിരെയുള്ള പ്രതിഷേധമായി ഇത്തരം ഒരു പരിപാടി സംഘടിപ്പിച്ചതെന്ന് മാദ്ധ്യമങ്ങളോട് സംസാരിക്കവെ മത്സാര്‍ത്ഥികള്‍ വ്യക്തമാക്കി.
50 കിലോയോളം ഭാരം വരുന്ന മാംസമാണ് ബിക്കിനി തയ്യാറാക്കുന്നതിനായി ഇവര്‍ ഉപയോഗിച്ചത്. 2010-ല്‍ എം.ടി.വി മ്യൂസിക് വീഡിയോ അവാര്‍ഡ്‌സിന് ലേഡി ഗാഗ ധരിച്ച മീറ്റ് ഡ്രസില്‍ നിന്നും പ്രചോദനമുള്‍ക്കൊണ്ടായിരുന്നു ബിക്കിനിയുടെ രൂപകല്പന.
Top