Connect with us

discussion

ചാനല്‍ സ്റ്റുഡിയോയിലിരുന്ന് അഭിഭാഷകരെ ആഭാസന്മാരെന്ന് വിളിച്ചാല്‍ പ്രതിഷേധിക്കാന്‍ അവര്‍ക്കും അവകാശമില്ലേ ?

Published

on

വളരെ നിര്‍ഭാഗ്യകരമായ സംഭവമാണ് തിരുവനന്തപുരം വഞ്ചിയൂര്‍ കോടതിയില്‍ ജുലൈ 21 ന് നടന്നത്. മാധ്യമപ്രവര്‍ത്തകര്‍ വിചാരിച്ചിരുന്നെങ്കില്‍ ഒഴിവാക്കാമായിരുന്ന ഒന്നായിരുന്നു തിരുവന്തപുരത്തേത്. അഭിഭാഷകരെ വാര്‍ത്താ ചാനല്‍ അവതാരകര്‍  ധിക്കാരികളെന്നും തെമ്മാടികളെന്നും പെണ്ണുപിടിയന്മാരെന്നും വിളിച്ച് അപമാനിക്കുന്ന തരത്തില്‍ മാധ്യമപ്രവര്‍ത്തനം അധഃപതിച്ചിരിക്കുകയാണ്.

വഞ്ചിയൂര്‍ കോടതിയിലെ മീഡിയാ റൂമില്‍ നാലാം ലിംഗക്കാര്‍ക്ക് പ്രവേശനമില്ലെന്ന പോസ്റ്റര്‍ എഴുതിയതിനെതിരെ മാധ്യമപ്രവര്‍ത്തകര്‍ പ്രതികരിച്ചു. തങ്ങളെയാണ് ഉദ്ദേശിച്ചതെന്ന് മാധ്യമപ്രവര്‍ത്തകര്‍ എന്തിന് കരുതി? ഇതോടെ തങ്ങള്‍ നാലാം ലിംഗക്കാരാണെന്ന് മാധ്യമപ്രവര്‍ത്തകര്‍ സ്വയം സമ്മതിക്കുകയല്ലേ? മാധ്യമപ്രവര്‍ത്തകരെയാണ് ഉദ്ദേശിച്ചതെന്ന് ആരും പറഞ്ഞിരുന്നില്ല. സ്വയം ആ വിശേഷണം ഏറ്റെടുത്ത് കേരളം മുഴുവന്‍ അത് വിഷയമാക്കി അഭിഭാഷകരാണ് ഇതിനൊക്കെ ഉത്തരവാദിയെന്ന് ആരോപിച്ചത് മാധ്യമപ്രവര്‍ത്തകരാണ്. ഒഴിവാക്കാമായിരുന്ന സംഘര്‍ഷം മാധ്യമപ്രവര്‍ത്തകരാണ് വഷളാക്കിയത്.

ചാനല്‍ സ്റ്റുഡിയോയിലിരുന്ന് അഭിഭാഷകരെ ആഭാസന്മാരെന്നും മറ്റും മാധ്യമപ്രവര്‍ത്തകര്‍ പറയുമ്പോള്‍ പ്രതിഷേധിക്കാനുള്ള അവകാശം അഭിഭാഷകര്‍ക്കുമില്ലേ? മാധ്യമപ്രവര്‍ത്തകര്‍ക്ക് അറിയാനുള്ള അവകാശവും അറിയിക്കാനുള്ള അവകാശവുമുണ്ടെന്ന് പറയുന്നത് പോലെ പ്രതിഷേധിക്കാനുള്ള അവകാശം അഭിഭാഷകര്‍ക്കുമുണ്ട്.

media-roomജനാധിപത്യത്തിന്റെ പ്രധാനപ്പെട്ട ഭാഗമാണ് ജുഡീഷ്യറി. ഈ ജുഡീഷ്യറിയുടെ ഭാഗമാണ് അഭിഭാഷകര്‍. അത് കഴിഞ്ഞേ ഫോര്‍ത്ത് എസ്‌റ്റേറ്റായ മാധ്യമപ്രവര്‍ത്തകര്‍ വരുന്നുള്ളൂ. മനപൂര്‍വം പ്രകോപനമുണ്ടാക്കി ഹൈക്കോടതിയിലുണ്ടായ പ്രശ്‌നം പെരുപ്പിച്ച് കാണിച്ച് അത് സംസ്ഥാനമൊട്ടാകെ വ്യാപിപ്പിച്ച് തലസ്ഥാനത്തും പ്രശ്‌നമുണ്ടായി എന്ന് കാണിക്കാനാണ് മാധ്യപ്രവര്‍ത്തകര്‍ ശ്രമിച്ചത്. ഉച്ചകഴിഞ്ഞ് ഭൂരിഭാഗം അഭിഭാഷകരും കോടതിയില്‍ നിന്ന് പോയ സമയത്താണ് സംഘര്‍ഷമുണ്ടാകുന്നത്. ഈ സമയത്ത് നിരവധി മാധ്യമപ്രവര്‍ത്തകര്‍ കോടതി പരിസരത്തേക്ക് വന്നുകൊണ്ടിരിക്കുകയാണ്. മാധ്യമപ്രവര്‍ത്തകരെന്ന് പറഞ്ഞ് വരുന്നതാകട്ടെ, മാധ്യമപ്രവര്‍ത്തകരുടെ വാഹനങ്ങളുടെ ഡ്രൈവര്‍മാരും ക്യാമറാ അസിസ്റ്റന്റുമാരും. ഇവരൊക്കെ ഏത് മാധ്യമപ്രവര്‍ത്തകരാണ്? തിരുവനന്തപുരത്തുള്ള 90 ശതമാനം മാധ്യമപ്രവര്‍ത്തകരേയും പേരെടുത്ത് ഞങ്ങള്‍ക്കറിയാം. എന്നാല്‍ നാളിതുവരെ കണ്ടിട്ടാല്ലാത്ത ആളുകളാണ് ക്യാമറയും കൊണ്ട് വന്നത്. ഈ ക്യാമറയെല്ലാം പ്രവര്‍ത്തിക്കുന്നതാണോ എന്നും സംശയമുണ്ട്. ഇവരെല്ലാം എവിടെ നിന്ന് വന്നു എന്ന് ഞങ്ങള്‍ക്കറിയില്ല. ഇങ്ങനെ നിരവധി പേരാണ് കോടതി പരിസരത്ത് കൂടിയത്.

സംസ്ഥാനം ഭരിക്കുന്നവരുടെ മൂക്കിന് താഴെ പ്രശ്‌നങ്ങള്‍ നടക്കുന്നു എന്ന് വരുത്തിത്തീര്‍ക്കാന്‍  മാധ്യമപ്രവര്‍ത്തകര്‍ ബോധപൂര്‍വം പ്രശ്‌നങ്ങളുണ്ടാക്കിയതാണ്. ഞങ്ങളുടെ ഭാഗം കേള്‍ക്കാന്‍ ആരും തയ്യാറല്ല. ചര്‍ച്ചയ്ക്ക് അഭിഭാഷകരെ വിളിച്ചു വരുത്തി ആക്ഷേപിക്കുകയാണ് മാധ്യമങ്ങള്‍. ഞങ്ങളെ വിളിച്ചു വരുത്തി പറയാന്‍ അനുവദിക്കാതിരിക്കുക, മൈക്ക് ഓഫ് ചെയ്യുക ഇതൊക്കെയാണ് മാധ്യമങ്ങള്‍ ചെയ്യുന്നത്.  ഞങ്ങള്‍ പറയുന്നത് ജനം കേള്‍ക്കുന്നില്ല. ചാനല്‍ അവതാരകര്‍ സ്വന്തം കാര്യങ്ങള്‍ ജനങ്ങളുടെ മനസ്സിലേക്ക് അടിച്ചേല്‍പ്പിക്കുകയാണ്. ഞങ്ങള്‍ക്ക് പറയാനുള്ളത് പ്രസിദ്ധീകരിക്കാനോ പുറത്തുവിടാനോ ആരും തയ്യാറല്ല. അപ്പോള്‍ ഞങ്ങളാണ് പ്രശ്‌നക്കാരാണെന്നാണ് ജനം കരുതുക. ഞങ്ങള്‍ക്ക് പറയാനുള്ളതും ജനങ്ങള്‍ കേള്‍ക്കേണ്ടതുണ്ട്.

അഭിഭാഷകര്‍ ആരും മാധ്യമ സ്ഥാപനത്തിലോ പ്രസ്‌ക്ലബ്ബിലോ വന്ന് ആരേയും ആക്രമിച്ചിട്ടില്ല. പ്രസ്‌ക്ലബ്ബില്‍ പോയി അഭിഭാഷകര്‍ പ്രതിഷേധിച്ചിട്ടുമില്ല. ഞങ്ങള്‍ തൊഴിലെടുക്കുന്നയിടത്താണ് പ്രതിഷേധിച്ചത്. കോടതി ആരുടെയെങ്കിലും തറവാട്ട് സ്വത്താണോ എന്നാണ് ചോദ്യം. കോടതി ആരുടേയും സ്വന്തമല്ല. കോടതി പൊതുജനങ്ങളുടേതാണ്. ഇവിടെ കക്ഷികള്‍ക്കും അഭിഭാഷകര്‍ക്കും മാധ്യമപ്രവര്‍ത്തകര്‍ക്കുമെല്ലാം വരാം. പക്ഷേ ഇത് ഞങ്ങള്‍ ജോലി ചെയ്യുന്നിടമാണിത്. ഇവിടെ വന്ന് ഞങ്ങള്‍ മര്‍ദ്ദിച്ചു എന്നാണ് പറയുന്നത്. ഞങ്ങളാരും അടിക്കാന്‍ വരുന്നവരല്ല. എല്ലാവരും ജോലി ചെയ്യാന്‍ വരുന്നവരാണ്.

പ്രശ്‌നങ്ങളുടെ കാരണക്കാര്‍ അഭിഭാഷകരാണ് കാണിക്കാനാണ് മാധ്യമപ്രവര്‍ത്തകര്‍ ശ്രമിക്കുന്നത്. അഭിഭാഷകര്‍ക്കെതിരെയും ആക്രമണമുണ്ടായിരുന്നു. അതിന്റെ ദൃശ്യങ്ങള്‍ കാണിച്ചില്ല. പ്രശ്‌നങ്ങള്‍ അവസാനിപ്പിക്കാന്‍ മാധ്യമപ്രവര്‍ത്തകര്‍ക്ക് യാതൊരു താത്പര്യവുമില്ലാത്തതിനാലാണ് പ്രകോപനപരമായ വാര്‍ത്തകള്‍ ഞങ്ങള്‍ക്കെതിരെ ദിവസവും എഴുതി വിടുന്നത്.

കറുത്ത കോട്ടിട്ട കാപാലികന്മാര്‍, ആഭാസന്മാര്‍ എന്നൊക്കെ വിളിച്ച് അഭിഭാഷകരെ അധിക്ഷേപിക്കുമ്പോള്‍ ഏതെങ്കിലും രീതിയില്‍ അഭിഭാഷകരും പ്രതികരിക്കില്ലേ? നാലാം ലിംഗക്കാരെന്ന് വിളിച്ച് അധിക്ഷേപിച്ചെന്ന് പറയുന്നവര്‍ ചാനലിരുന്ന് ധിക്കാരിയെന്നും തെമ്മാടിയെന്നും പറഞ്ഞതിന്റെ അര്‍ത്ഥമെന്താണെന്ന് പറയണം. അത് ആരെ ഉദ്ദേശിച്ചാണെന്ന് വ്യക്തമാക്കണം. ഞങ്ങളെ അസഭ്യം പറഞ്ഞവരുടെ പേരുകള്‍ ഞാന്‍ പറയുന്നില്ല. അതിനുള്ള അവസരം പിന്നീടെപ്പോഴെങ്കിലും കിട്ടും. അന്ന് പറഞ്ഞോളാം.

vanchiyur-courtജനാധിപത്യത്തിന്റെ നാല് തൂണുകളാണ് ഭരണനിര്‍വഹണ സമിതി, നിയമനിര്‍മാണം, ജുഡീഷ്യറി. നാലാമതായാണ് മാധ്യമപ്രവര്‍ത്തനം വരുന്നത്. പക്ഷേ, ഒന്നും രണ്ടും മൂന്നും ലിംഗക്കാര്‍ ഞങ്ങളാണെന്ന് ആരും പറയുന്നില്ല. അപ്പോള്‍ നാലാം ലിംഗക്കാരാണെന്ന് മാധ്യമപ്രവര്‍ത്തകര്‍ സ്വയം ഏറ്റെടുക്കുന്നതെന്തിനാണ്. ഏതെങ്കിലും മാധ്യമ പ്രവര്‍ത്തകനോടോ മാധ്യമ സ്ഥാപനത്തിലോ കയറി നിങ്ങള്‍ നാലാം ലിംഗക്കാരാണെന്ന് പറഞ്ഞിട്ടില്ല.

വഞ്ചിയൂര്‍ കോടതിയിലെ മീഡിയാ റൂം തിരുവനന്തപുരം ബാര്‍ അസോസിയേഷന്റെ ആവശ്യപ്രകാരം അഭിഭാഷകരായ പത്രപ്രവര്‍ത്തകര്‍ക്ക് വേണ്ടി ഹൈക്കോടതി അനുവദിച്ചതാണ്. ഇത് കോടതി കെട്ടിടമാണ്. കോടതി കെട്ടിടത്തിലാണ് പോസ്റ്റര്‍ ഒട്ടിച്ചത്. ഇതിന്റെ സംരക്ഷകന്‍ ജില്ലാ ജഡ്ജിയാണ്. കോടതി വളപ്പിലെ പലയിടങ്ങളിലും വീഡിയോഗ്രഫി/ഫോട്ടോഗ്രഫി നിരോധിച്ചതായി എഴുതിവെച്ചിട്ടുണ്ട്. ഇവിടങ്ങളിലെല്ലാം എന്തിനാണ് ക്യാമറയുമായി മാധ്യമപ്രവര്‍ത്തകര്‍ വരുന്നത്.

ധനേഷ് മാത്യു മാഞ്ഞൂരാനുമായി ബന്ധപ്പെട്ട പ്രശ്‌നമല്ല വഞ്ചിയൂരുണ്ടായ സംഭവത്തിന് കാരണം. അദ്ദേഹം തെറ്റ് ചെയ്തിട്ടുണ്ടെങ്കില്‍ നിയമപ്രകാരമുള്ള മുഴുവന്‍ നടപടികളും സ്വീകരിക്കണം. അതിന് അഭിഭാഷകര്‍ എതിരല്ല. പക്ഷേ, അതുമായി ബന്ധപ്പെട്ട് ഡെക്കാന്‍ ക്രോണിക്കിളില്‍ വന്ന വാര്‍ത്തയെ തുടര്‍ന്നാണ് ഈ പ്രശ്‌നങ്ങളുണ്ടാകുന്നത് എന്നാണ് ഞാന്‍ മനസ്സിലാക്കുന്നത്. പക്ഷേ, മാധ്യമങ്ങള്‍ ജനങ്ങളെ ധരിപ്പിച്ചിരിക്കുന്നത് ധനേഷ് മാഞ്ഞൂരാന് വേണ്ടിയാണ് ഞങ്ങള്‍ പ്രതിഷേധിച്ചത് എന്നാണ്. എറണാകുളത്ത് അഭിഭാഷകര്‍ക്ക് നേരെ മാധ്യമപ്രവര്‍ത്തകര്‍ നടത്തിയ ഗുണ്ടായിസത്തിനെതിരെ സംസ്ഥാനത്തൊട്ടാകെ നടന്ന പ്രതിഷേധത്തില്‍ പങ്കെടുത്ത് കോടതി ബഹിഷ്‌കരിക്കുക മാത്രമാണ് ഞങ്ങള്‍ ചെയ്തത്. പ്രതിഷേധം അറിയിക്കാന്‍ കോടതി ബഹിഷ്‌കരണമല്ലാതെ മറ്റൊരു മാര്‍ഗവും ഞങ്ങള്‍ക്കില്ല. ഹൈക്കോടതിയില്‍ മാധ്യമപ്രവര്‍ത്തകര്‍ അകാരണമായി അഭിഭാഷകരെ ആക്രമിച്ചതിനെതിരെയാണ് ഞങ്ങള്‍ പ്രതിഷേധിച്ചത്. ഞങ്ങളുടെ സഹപ്രവര്‍ത്തകയായ പാതിരപ്പള്ളി കൃഷ്ണകുമാരിയെന്ന പ്രായമേറിയ അഭിഭാഷകയെ എറിഞ്ഞ് തറയിലിട്ടത് എന്റെ കണ്‍മുന്നില്‍ വെച്ചാണ്. ഗെയ്റ്റിന് പുറത്തുള്ള മാധ്യമപ്രവര്‍ത്തതകരെന്ന് അവകാശപ്പെടുന്ന ചിലയാളുകളാണ് എറിഞ്ഞത്. ബിയര്‍ കുപ്പികളും കല്ലും മാധ്യമപ്രവര്‍ത്തകര്‍ക്ക് നേരെ അഭിഭാഷകര്‍ എറിഞ്ഞു എന്നതാണ് മറ്റൊരു ആരോപണം. അതിന്റെ ദൃശ്യങ്ങളും പുറത്തുവിട്ടിരുന്നു. അത് എഡിറ്റ് ചെയ്ത വീഡിയോ ആണ്. അഭിഭാഷകരല്ല എറിഞ്ഞത്.

വളരെ ഉത്തരവാദിത്തമുള്ള ജോലിയാണ് അഭിഭാഷകവൃത്തിയും മാധ്യമപ്രവര്‍ത്തനവും. കോടതിയുമായി ബന്ധപ്പെട്ട് ഏത് വിഷയത്തിലും അഭിഭാഷകരുടെ സഹായം ആവശ്യമാണ്. നമ്മുടെ സംവിധാനം അങ്ങനെയാണ്. ഇങ്ങനെ അഭിഭാഷകരുടെ സഹായം ആര്‍ക്കും വേണമെന്നിരിക്കേ അഭിഭാഷകരെ മുഴുവനായും സമൂഹത്തില്‍ മോശക്കാരാക്കുന്ന പ്രവണത ശരിയായ മാധ്യപ്രവര്‍ത്തനമാണോ എന്ന് ആലോചിച്ചാല്‍ മതി. ഇപ്പോഴുള്ള പ്രശ്‌നങ്ങള്‍ പരിഹരിക്കാന്‍ മാധ്യമപ്രവര്‍ത്തകര്‍ വിചാരിച്ചാല്‍ മാത്രമേ സാധിക്കുകയുള്ളൂ. അഭിഭാഷകര്‍ അതിന് തയ്യാറാണ്.

കടപ്പാട് :നാറദ

Advertisement
National8 hours ago

ജനങ്ങള്‍ ടോള്‍ നല്‍കണം, സര്‍ക്കാരിന്റെ കയ്യില്‍ പണമില്ല..!! തുറന്നുപറഞ്ഞ് നിതിന്‍ ഗഡ്കരി

Crime9 hours ago

13കാരിയെ പീഡിപ്പിച്ച പ്രതിയെ സൗദിയിലെത്തി കസ്റ്റഡിയിലെടുത്ത് മെറിന്‍ ജോസഫ് ഐപിഎസ്; ഇന്റര്‍പോളിന്റെ സഹായത്താലാണ് പ്രതിയെ പിടികൂടിയത്

Kerala9 hours ago

സിപിഎം വ്യാജ പ്രചരണങ്ങളെ തള്ളി അന്വേഷണ ഉദ്യോഗസ്ഥര്‍; സാജന്‍ ആത്മഹത്യ ചെയ്തത് കണ്‍വെന്‍ഷന്‍ സെന്ററിന് അനുമതി ലഭിക്കാത്തതിനാല്‍

Kerala10 hours ago

പോലീസുകാര്‍ ആര്‍എസ്എസിന്റെ ഒറ്റുകാരായി; രൂക്ഷ വിമര്‍ശനവുമായി പിണറായി വിജയന്‍

Offbeat10 hours ago

ലൈംഗീകബന്ധത്തിനായി നല്‍കിയ ഉറപ്പ് ലംഘിച്ച് നടത്തിയ വേഴ്ച്ച ലൈംഗീക പീഡനമാകും; കാനഡ സുപ്രീം കോടതിയുടെ വിധി ചര്‍ച്ചയാകുന്നു

International15 hours ago

വിമാനം ആകാശഗര്‍ത്തതില്‍ വീണു; നിരവധിപ്പേര്‍ക്ക് പരിക്ക് സാധനങ്ങള്‍ തെറിച്ചുവീണു

Entertainment16 hours ago

ഡേറ്റിങിന് താത്പര്യമുണ്ടോയെന്ന് വിജയ് ദേവരകൊണ്ടയോട് സനുഷ; ഇതൊക്കെ പരസ്യമായോ എന്ന കമന്റുമായി മലയാളികള്‍

National16 hours ago

വിമത എംഎല്‍എയെ കസ്റ്റഡിയിലെടുത്ത് കുമാരസ്വാമി പോലീസ്..!! എംഎല്‍എമാര്‍ സുപ്രീം കോടതിയില്‍

Kerala17 hours ago

സമാന്തര അധികാര കേന്ദ്രമായി എസ്എഫ്‌ഐ..!! സകലതിലും കൃത്രിമത്വവും അട്ടിമറിയും

National17 hours ago

പാക് വ്യോമപാത തുറന്നു; പാകിസ്ഥാനൊപ്പം എയര്‍ ഇന്ത്യയ്ക്കും ആശ്വാസമായി നടപടി

Entertainment4 weeks ago

ദാമ്പത്യബന്ധം വേര്‍പെടുത്തിയ ശേഷം റിമി കഴിയുന്നത് ഇങ്ങനെ; വേദിയിലെ ഊര്‍ജ്ജം ജീവിതത്തിലും ആവര്‍ത്തിച്ച് ഗായിക

Offbeat2 weeks ago

ഷാര്‍ജ സുല്‍ത്താന്റെ മകന്റെ മരണം മയക്കുമരുന്ന് ഉപയോഗത്തെത്തുടര്‍ന്ന്..!! സെക്‌സ് പാര്‍ട്ടിയും മയക്ക്മരുന്ന് പാര്‍ട്ടിയും നടന്നു

Kerala3 weeks ago

കേന്ദ്രമന്ത്രിസ്ഥാനം ഉറപ്പിച്ചു..!! ഉപതെരഞ്ഞെടുപ്പില്‍ താത്പര്യമില്ല; ബിജെപിയുടെ മുസ്ലീം മുഖമാകാന്‍ എപി അബ്ദുള്ളക്കുട്ടി

Offbeat2 weeks ago

ബ്രിട്ടീഷ് പൗരനുമായുള്ള സൗഹൃദം; മരണഭയത്തില്‍ ദുബായ് രാജ്ഞി നാടുവിട്ടു

Crime4 weeks ago

തലസ്ഥാനത്ത് 17കാരനെ 45കാരി രണ്ടുവര്‍ഷത്തോളം പീഡിപ്പിച്ചു..!! പോക്‌സോ നിയമപ്രകാരം കേസെടുത്ത് പോലീസ്

Kerala2 weeks ago

തന്നെ തട്ടിക്കൊണ്ടു പോകാന്‍ ശ്രമം നടന്നു..!! റിമി ടോമിയുടെ ഞെട്ടിക്കുന്ന വെളിപ്പെടുത്തല്‍

Crime4 weeks ago

അജാസ് മരണത്തിന് കീഴടങ്ങി..!! ക്രൂരനായ കൊലയാളിയും മടങ്ങുമ്പോള്‍ അമ്മയെ നഷ്ടപ്പെട്ട മക്കള്‍ മാത്രം ബാക്കിയാകുന്നു

National4 days ago

ആര്‍എസ്എസ് നേതാവിന്റെ ലൈംഗീക കേളികള്‍ ചോര്‍ന്നു..!! യുവാവ് കൊല്ലപ്പെട്ടിരിക്കാമെന്ന് കോണ്‍ഗ്രസ്

National1 week ago

രാമലിംഗ റെഡ്ഡിമുഖ്യമന്ത്രി, 6 പേര്‍ക്ക് മന്ത്രി സ്ഥാനം!! കര്‍ണാടകയിലെ ഒത്ത്തീര്‍പ്പ് ഫോര്‍മുല ഒരുങ്ങുന്നു

Kerala4 weeks ago

പ്രവാസിയെ കൊലയ്ക്കുകൊടുത്ത ഇടത്ത് മന്ത്രിയുടെ മകന്‍ കെട്ടിപ്പൊക്കുന്നത് കൊട്ടാരം..!! ആന്തൂരിലെ ഇരട്ട നീതി ഇങ്ങനെ

Trending

Copyright © 2019 Dailyindianherald