കോഴിക്കോട്: കുതിരവട്ടം മാനസികാരോഗ്യ കേന്ദ്രത്തില് അന്തേവാസി കൊല്ലപ്പെട്ട സംഭവത്തില് പ്രതിയുടെ അറസ്റ്റ് രേഖപ്പെടുത്തി. കൊല്ക്കത്ത സ്വദേശിനിയായ 19കാരിയാണ് കൊലപാതകം നടത്തിയത്. പ്രതിയെ റിമാന്ഡ് ചെയ്ത ശേഷം മാനസിക ആരോഗ്യ കേന്ദ്രത്തില് തന്നെ പാര്പ്പിക്കും. മഹാരാഷ്ട്ര സ്വദേശിനി ജിയ റാം ജിലോട്ടിനെ വ്യാഴാഴ്ച പുലര്ച്ചെയാണ് മരിച്ച നിലയില് കണ്ടെത്തിയത്.
ശ്വാസം മുട്ടിച്ചും കഴുത്ത് ഞെരിച്ചും കൊലപ്പെടുത്തിയതാണെന്ന് പോസ്റ്റ്മോര്ട്ടത്തില് വ്യക്തമാകുകയായിരുന്നു. ഉച്ചയ്ക്ക് കഴിച്ച ഭക്ഷണം മാത്രമാണ് വയറ്റിലുണ്ടായിരുന്നത്. ബുധനാഴ്ച വൈകിട്ട് ആറിനായിരുന്നു മരണം. ബുധനാഴ്ച വൈകിട്ട് ജിയ റാം ജിലോട്ടും പ്രതിയും തമ്മില് സെല്ലിനുള്ളില് സംഘര്ഷമുണ്ടായിരുന്നു.
ജീവനക്കാര് പ്രതിയെ മറ്റൊരു സെല്ലിലേക്ക് മാറ്റിയിരുന്നു. ജിയ റാം മരിച്ചത് വ്യാഴാഴ്ച രാവിലെയാണ് അധികൃതര് അറിഞ്ഞത്. ജീവനക്കാര്ക്ക് വീഴ്ചയുണ്ടായോയെന്ന് ആരോഗ്യവകുപ്പും അന്വേഷിക്കുന്നുണ്ട്.
Top