ബാങ്ക് വായ്പ തിരിച്ചടവ് മുടങ്ങി; ജപ്തി ഭീഷണിയിൽ മനംനൊന്ത് വൈക്കത്ത് ഗൃഹനാഥൻ ആത്മഹത്യ ചെയ്തു

കോട്ടയം: വൈക്കത്തിനടുത്ത് തലയാഴത്ത് ഗൃഹനാഥൻ ആത്മഹത്യ ചെയ്തു. ബാങ്ക് വായ്പ തിരിച്ചടവ് മുടങ്ങി ജപതിഭീഷണിയിൽ മനം നൊന്ത് വാക്കേത്തറ സ്വദേശി കാർത്തികേയ (61)നാണ് മരിച്ചത്

തോട്ടകം സഹകരണ ബാങ്കിൽ കാർത്തികേയന് 17 ലക്ഷം രൂപയുടെ വായ്പാ കുടിശിക ഉണ്ടായിരുന്നു.2014 ൽ എടുത്ത വായ്പയുടെ തിരിച്ചടവ് മുടങ്ങിയതിനെത്തുടർന്ന് ബാങ്ക് ഇന്ന് രാവിലെ കാർത്തികേയന്റെ വീടും സ്ഥലവും അളന്നു തിട്ടപ്പെടുത്തിയിരുന്നു.

ബാങ്ക് ഉദ്യോഗസ്ഥർ മടങ്ങിയതിനു പിന്നാലെയായിരുന്നു കാർത്തികേയന്റെ ആത്മഹത്യ ചെയ്തത്. ബാങ്ക് സമ്മർദ്ദമാണ് മരണ കാരണമെന്ന് കുടുംബത്തിൻ്റെ ആരോപണം. ആത്മഹത്യയുടെ കാരണം പരിശോധിച്ചു വരികയാണെന്ന് പൊലീസ് അറിയിച്ചു.