സ്വർണ വില വീണ്ടും കൂടി: പവന് 120 രൂപ വർദ്ധിച്ചു

കൊച്ചി: കേരളത്തിൽ സ്വർണവില വീണ്ടും കൂടി. പവന് 120 രൂപ വർദ്ധിച്ച് 35,880 രൂപയായി. 15 രൂപയാണ് ഗ്രാമിന് വർധിച്ചത്. 4485 രൂപയാണ് ഒരു ഗ്രാം സ്വർണത്തിന്റെ വില. രണ്ടു ദിവസത്തിനു ശേഷമാണ് വിലയിൽ വർദ്ധനവ് ഉണ്ടാകുന്നത്.

16ന് ഈ മാസത്തെ ഏറ്റവും ഉയർന്ന വിലയായ 36,920 രൂപയിൽ സ്വർണവില എത്തിയിരുന്നു. പിന്നീട് ഏകദേശം 1200 രൂപ കുറഞ്ഞ ശേഷമാണ് ഇന്ന് സ്വർണവില വീണ്ടും കൂടിയത്. സുരക്ഷിത നിക്ഷേപമെന്ന നിലയിൽ സ്വർണത്തിലേക്ക് കൂടുതൽ ആളുകൾ എത്തുന്നതാണ് സ്വർണവിലയിൽ പ്രതിഫലിക്കുന്നത്.