കോട്ടയം: മുന്‍ മുഖ്യമന്ത്രിയും കോണ്‍ഗ്രസ് നേതാവുമായ ഉമ്മന്‍ചാണ്ടിയെ അവസാനമായി കണ്ട് അന്തിമോപചാരം അര്‍പ്പിക്കാന്‍ മമ്മൂട്ടി, സുരേഷ് ഗോപി, ദിലീപ്, രമേശ് പിഷാരടി എന്നിവര്‍ തിരുനക്കരയില്‍ എത്തിയിട്ടുണ്ട്. താരങ്ങള്‍ പ്രിയ നേതാവിന് അന്തിമോപചാരം അര്‍പ്പിക്കാന്‍ ജനക്കൂട്ടത്തിനൊപ്പം കാത്തിരിക്കുകയാണ്. ഉമ്മന്‍ചാണ്ടിയുടെ ഭൗതിക ദേഹവും വഹിച്ചുള്ള വാഹനം പുതുപ്പള്ളിയിലേക്കുള്ള യാത്രയിലാണ്. ആയിരക്കണക്കിന് ജനങ്ങളാണ് ജനനേതാവിനെ അവസാനമായി കാണാന്‍ എത്തിക്കൊണ്ടിരിക്കുന്നത്. തിരുവനന്തപുരത്തു നിന്ന് ഇന്നലെ പുറപ്പെട്ട വിലാപയാത്ര 24 മണിക്കൂര്‍ പിന്നിട്ടാണ് പുതുപ്പള്ളിയിലേക്ക് എത്തുന്നത്. ്
ജനക്കൂട്ടം തിങ്ങിനിറഞ്ഞതോടെ വളരെ പതുക്കെയാണ് വിലാപ യാത്ര കടന്നു പോകുന്നത്. അര്‍ധരാത്രിയും പുലര്‍ച്ചെയും ആയിരങ്ങള്‍ ജനനായകനെ കാണാന്‍ വഴിയരികില്‍ കാത്തുനിന്നതോടെ വിലാപയാത്ര മണിക്കൂറുകള്‍ വൈകി.
Top