സര്‍ക്കാര്‍ ഉത്തരവ് പാലിക്കപെട്ടില്ല; വീണ്ടും സമരത്തിനൊരുങ്ങി നഴ്‌സുമാര്‍

സം​സ്ഥാ​ന​ത്തെ സ്വ​കാ​ര്യ ആ​ശു​​പ​ത്രി ന​ഴ്‌​സു​മാ​രു​ടെ​യും ജീ​വ​ന​ക്കാ​രു​ടെ​യും വേ​ത​നം നി​ശ്ച​യി​ക്കു​ന്ന​തി​ലെ തു​ട​ര്‍ന​ട​പ​ടി സു​പ്രീം​കോ​ട​തി ത​ട​ഞ്ഞ​തോ​ടെ ശ​മ്പ​ള​പ​രി​ഷ്​​ക​ര​ണം അവതാളത്തിലായി. വേ​ത​നം നി​ശ്ച​യി​ക്കാ​ന്‍ സ​ര്‍ക്കാ​ര്‍ നി​യോ​ഗി​ച്ച ക​മ്മി​റ്റി​യു​ടെ റി​പ്പോ​ര്‍ട്ടി​ന്മേ​ൽ തു​ട​ർ​ന​ട​പ​ടി​ക​ളെ​ടു​ക്കു​ന്ന​താ​ണ് കോ​ട​തി ത​ട​ഞ്ഞ​ത്. ഇ​തോ​ടെ ശ​മ്പ​ള​പ​രി​ഷ്​​ക​ര​ണ​ത്തി​ൽ മാ​നേ​ജ്​​മന്റും സ​ർ​ക്കാ​റും ഒ​ത്തു​ക​ളി​ക്കു​ന്നു​വെ​ന്ന്​ ആ​രോ​പി​ച്ച്​ വീ​ണ്ടും ശ​ക്ത​മാ​യ സ​മ​ര​ത്തി​നൊ​രു​ങ്ങു​ക​യാ​ണ്​ ന​ഴ്സു​മാ​ർ. മാനേജ്‌മെന്റുകള്‍ നി​ല​പാ​ട് തി​രു​ത്തി​യി​ല്ലെ​ങ്കി​ൽ ന​വം​ബ​ർ 20 മു​ത​ൽ പ​ണി​മു​ട​ക്കി സ​മ​രം ചെ​യ്യാ​നാ​ണ് തീ​രു​മാ​ന​മെ​ന്ന് ന​ഴ്​​സു​മാ​രു​ടെ സം​ഘ​ട​ന​ക​ൾ അ​റി​യി​ച്ചി​ട്ടു​ണ്ട്. നി​ര​വ​ധി സ്വ​കാ​ര്യ ആ​ശു​പ​ത്രി​ക​ളു​ള്ള തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളി​ലെ മാനേജ്‌മെന്റുക​ളാ​ണ് സ​ർ​ക്കാ​ർ ഉ​ത്ത​ര​വ് പാ​ലി​ക്കാ​ൻ കൂ​ട്ടാ​ക്കാ​ത്ത​ത്. ഈ ​ജി​ല്ല​ക​ളി​ലാ​യി​രി​ക്കും സ​മ​രം ശ​ക്ത​മാ​ക്കു​ക​യെ​ന്നും സം​ഘ​ട​ന​ക​ൾ അ​റി​യി​ച്ചു. ശ​മ്പ​ള​വ​ർ​ധ​ന​ക്കെ​തി​രെ സു​പ്രീം​കോ​ട​തി​യെ സ​മീ​പി​ച്ച മാനേജ്‌മെന്റു​ക​ളു​ടെ നി​ല​പാ​ട് ക​ടു​ത്ത തൊ​ഴി​ലാ​ളി​വി​രു​ദ്ധ​ത​യാ​ണ്. പു​തു​ക്കി​യ ശ​മ്പ​ള​പ​രി​ഷ്ക​ര​ണ ഉ​ത്ത​ര​വ് ഇ​റ​ങ്ങു​ന്ന​തു​വ​രെ ന​ഴ്സു​മാ​ർ​ക്കും അ​നു​ബ​ന്ധ തൊ​ഴി​ലാ​ളി​ക​ൾ​ക്കും ഇ​ട​ക്കാ​ല ആ​ശ്വാ​സം ന​ൽ​ക​ണ​മെ​ന്ന നി​ർ​ദേ​ശ​വും തെ​ക്ക​ൻ ജി​ല്ല​ക​ളി​ലെ ഭൂ​രി​ഭാ​ഗം ആ​ശു​പ​ത്രി​ക​ളും പാ​ലി​ച്ചി​ട്ടി​ല്ല. ഇ​ട​ക്കാ​ല ആ​ശ്വാ​സം ന​ട​പ്പാ​ക്കി​യ​ത് തൃ​ശൂ​ർ, കോ​ഴി​ക്കോ​ട്, മ​ല​പ്പു​റം, എ​റ​ണാ​കു​ളം ജി​ല്ല​ക​ളി​ലെ ആ​ശു​പ​ത്രി​ക​ൾ മാ​ത്ര​മാ​ണ്. ശ​മ്പ​ള​വ​ർ​ധ​ന ആ​വ​ശ്യ​പ്പെ​ട്ട് ജൂ​ലൈ മാ​സ​ത്തി​ൽ ന​ഴ്സു​മാ​ർ ന​ട​ത്തി​യ സ​മ​ര​ത്തെ​ത്തു​ട​ർ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ൽ ന​ട​ന്ന ച​ർ​ച്ച​യി​ലാ​ണ് മി​നി​മം വേ​ത​ന​ത്തി​ൽ ധാ​ര​ണ​യാ​യ​ത്. എ​ന്നാ​ൽ, അ​തി​നു​ശേ​ഷം മാനേജ്‌മെന്റുക​ൾ നി​ല​പാ​ട് മാ​റ്റി. തു​ട​ർ​ന്ന് മാനേജ്‌മെന്റു​ക​ളു​ടെ എ​തി​ർ​പ്പോ​ടെ ശ​മ്പ​ള​പ​രി​ഷ്ക​ര​ണ​ത്തി​ന് സ​ർ​ക്കാ​ർ ഉ​ത്ത​ര​വി​ടു​ക​യാ​യി​രു​ന്നു. ഇ​തി​നെ​തി​രെ​യാ​ണ് മാനേജ്‌മെന്റു​ക​ൾ സു​പ്രീം​കോ​ട​തി​യെ സ​മീ​പി​ച്ച്​ അ​നു​കൂ​ല ഉ​ത്ത​ര​വ്​ സ​മ്പാ​ദി​ച്ച​ത്. മി​നി​മം വേ​ത​ന​നി​യ​മ​ത്തി​ലെ ഒ​മ്പ​താം വ​കു​പ്പ് പ്ര​കാ​രം ക​മ്മി​റ്റി​യി​ല്‍ പ​കു​തി അം​ഗ​ങ്ങ​ള്‍ തൊ​ഴി​ലു​ട​മ​ക​ളു​ടെ പ്ര​തി​നി​ധി​രി​ക​ളാ​യി​ക്ക​ണം. 27 അം​ഗ ക​മ്മി​റ്റി​യി​ല്‍ ആ ​വി​ഭാ​ഗ​ത്തി​ല്‍നി​ന്ന് ആ​റു​പേ​രെ മാ​ത്ര​മാ​ണ് നി​യ​മി​ച്ച​തെ​ന്ന്​ ചൂ​ണ്ടി​ക്കാ​ട്ടി​യാ​ണ്​ മാനേജ്‌മെന്റു​ക​ളു​ടെ സം​ഘ​ട​ന സു​പ്രീം​കോ​ട​തി​യെ സ​മീ​പി​ച്ച​ത്. അ​തേ​മ​സ​യം, മാനേജ്‌മെന്റിന്റെ ഹര്‍ജി നേ​ര​ത്തേ ഹൈ​കോ​ട​തി ത​ള്ളി​യി​രു​ന്നു. ക​മ്മി​റ്റി​യി​ലേ​ക്ക് അം​ഗ​ങ്ങ​ളെ നി​ശ്ച​യി​ക്കാ​ന്‍ സ​ര്‍ക്കാ​റി​ന്​ വി​വേ​ച​നാ​ധി​കാ​ര​മു​ണ്ടെ​ന്ന് ചൂ​ണ്ടി​ക്കാ​ട്ടി​യാ​ണ് ഹര്‍ജി ത​ള്ളി​യ​ത്.