ഒ​മി​ക്രോ​ൺ ജ​ർ​മ​നി​യി​ലും; രാജ്യത്ത് അതീവ ജാ​ഗ്രത

ബെ​ർ​ലി​ൻ: ബെ​ൽ​ജി​യ​ത്തിനു പിന്നാലെ ജ​ർ​മ​നി​യി​ലും ഒ​മി​ക്രോ​ൺ സ്ഥി​രീ​ക​രി​ച്ചു. ദ​ക്ഷി​ണാ​ഫ്രി​ക്ക​യി​ൽ​നി​ന്നും വ​ന്ന യാ​ത്ര​ക്കാ​ര​നി​ലാ​ണ് ഒ​മി​ക്രോ​ൺ സ്ഥി​രീ​ക​രി​ച്ചിരിക്കുന്നത്. ഒ​മി​ക്രോ​ൺ സ്ഥി​രീ​ക​രി​ച്ച​യാ​ളെ ക്വാ​റ​ൻറൈ​നി​ൽ പ്ര​വേ​ശി​പ്പി​ച്ചിരിക്കുകയാണ്.

ഫ്രാ​ങ്ക്ഫ​ർ​ട്ട് വി​മാ​ന​ത്താ​വ​ള​ത്തി​ലെ​ത്തി​യ യാ​ത്ര​ക്കാ​ര​നി​ൽ വ​ക​ഭേ​ദം വ​ന്ന വൈ​റ​സ് ക​ണ്ടെ​ത്തി​യ​താ​യി പ​ടി​ഞ്ഞാ​റ​ൻ സം​സ്ഥാ​ന​മാ​യ ഹ​സെ​യി​ലെ സാ​മൂ​ഹി​ക​കാ​ര്യ മ​ന്ത്രി കെ​യ് ക്ലോ​സ് ട്വീ​റ്റ് ചെ​യ്തു.

അ​ടു​ത്തി​ടെ ദ​ക്ഷി​ണാ​ഫ്രി​ക്ക​യി​ൽ നി​ന്നും എ​ത്തി​യ​വ​ർ സ്വ​യം​നി​രീ​ക്ഷ​ണ​ത്തി​ൽ​പോ​കാ​നും പ​രി​ശോ​ധ​ന ന​ട​ത്താ​നും നി​ർ​ദേ​ശി​ച്ച​താ​യി കെ​യ് ക്ലോ​സ് പ​റ​ഞ്ഞു. ഒ​മി​ക്രോ​ൺ സ്ഥി​രീ​ക​രി​ക്കു​ന്ന ര​ണ്ടാ​മ​ത്തെ യൂ​റോ​പ്യ​ൻ രാ​ജ്യ​മാ​ണ് ജ​ർ​മ​നി. നേ​ര​ത്തെ ബെ​ൽ​ജി​യ​ത്തി​ലും ഒ​മി​ക്രോ​ൺ സ്ഥി​രീ​ക​രി​ച്ചി​രു​ന്നു.

ഒ​മി​ക്രോ​ൺ വ​ക​ഭേ​ദം നി​ര​വ​ധി രാ​ജ്യ​ങ്ങ​ളി​ൽ സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ ഏ​ഷ്യ​ൻ രാ​ജ്യ​ങ്ങ​ൾ​ക്ക് ലോ​കാ​രോ​ഗ്യ​സം​ഘ​ട​ന മു​ന്ന​റി​യി​പ്പ് ന​ൽ​കി. നി​രീ​ക്ഷ​ണ​വും ജാ​ഗ്ര​ത​യും മു​ൻ​ക​രു​ത​ലും ശ​ക്ത​മാ​ക്കാ​നാ​ണ് തെ​ക്കു കി​ഴ​ക്ക​ൻ ഏ​ഷ്യ​ൻ മേ​ഖ​ല​യി​ലെ രാ​ജ്യ​ങ്ങ​ൾ​ക്ക് ഡ​ബ്ലി​യു​എ​ച്ച്ഒ മു​ന്ന​റി​യി​പ്പ് ന​ൽ​കി​യ​ത്.