ന്യൂഡൽഹി: രാജ്യത്ത് മൂന്ന് പേർക്ക് കൂടി ഒമിക്രോൺ സ്ഥിരീകരിച്ചു. ഹൈദരാബാദിലാണ് രോഗം സ്ഥിരീകരിച്ചിരിക്കുന്നത്. കെനിയ, സെമാലിയ പൗരൻമാർക്കും കൊൽക്കത്തയിൽ പോയി മടങ്ങിയ കുട്ടിക്കുമാണ് രോഗം സ്ഥിരീകരിച്ചിരിക്കുന്നത്.
മുൻപ് ഒമിക്രോൺ വേരിയൻറ് സ്ഥിരീകരിച്ചതിനെ തുടർന്ന് ഹൈദരാബാദ് വിമാനത്താവളത്തിലെ പരിശോധന കർശനമാക്കിയിരുന്നു. 11 റിസ്ക് രാജ്യങ്ങളിൽ നിന്നെത്തുന്നവർക്ക് ആർ.ടി.പി.സി.ആർ പരിശോധന നിർബന്ധമാക്കുകയും ചെയ്തിരുന്നു.
മഹാരാഷ്ട്രയിലാണ് ഏറ്റവും കൂടുതൽ പേർക്ക് ഒമിക്രോൺ സ്ഥിരീകരിച്ചിരിക്കുന്നത്. മുൻപ് ഡൽഹിയിലും രാജസ്ഥാനിലും പുതിയ ഒമിക്രോൺ കേസുകൾ സ്ഥിരീകരിച്ചിരുന്നു. രാജസ്ഥാനിൽ പുതുതായി നാലു പേർക്കാണ് ഒമിക്രോൺ സ്ഥിരീകരിച്ചത്. ഇവരുടെ ആരോഗ്യനില തൃപ്തികരമാണെന്നും സംസ്ഥാനത്തെ മറ്റു ഒമിക്രോൺ ബാധിതരുടെ പരിശോധന ഫലം നെഗറ്റീവായെന്നും രാജസ്ഥാൻ ആരോഗ്യമന്ത്രി പ്രസാദി ലാൽ മീണ അറിയിച്ചു.
മഹാരാഷ്ട്രയിലാണ് 20 പേർക്കാണ് ഒമിക്രോൺ സ്ഥിരീകരിച്ചത്. രാജസ്ഥാൻ കർണാടക, ഗുജറാത്ത്, കേരള, ആന്ധ്രപ്രദേശ്, ഡൽഹി, ഛണ്ഡീഗഡ് തുടങ്ങിയ സംസ്ഥാനങ്ങളിലും രോഗം സ്ഥിരീകരിച്ചിരുന്നു.
Top