ഛര്‍ദ്ദിക്കാന്‍ വേണ്ടി ബസില്‍ നിന്നും തല പുറത്തേക്കിട്ട യുവതി മറ്റൊരു വാഹനത്തില്‍ തലയിടിച്ച് മരിച്ചു; ഇടിച്ച വാഹനം നിര്‍ത്താതെ പോയി

ന്യൂഡല്‍ഹി: ഡല്‍ഹിയിലെ നരേലയില്‍ ഛര്‍ദ്ദിക്കാന്‍ വേണ്ടി ബസില്‍ നിന്നും തല പുറത്തേക്കിട്ട യുവതി മറ്റൊരു വാഹനത്തില്‍ തലയിടിച്ച് മരിച്ചു. യു.പി സ്വദേശിനിയായ ബാബ്ലി ആണ് മരണപ്പെട്ടത്.

സഹോദരിക്കും അവരുടെ കുടുംബത്തിനുമൊപ്പം ലുധിയാനയിലെ മൂത്ത സഹോദരനെ കാണാനുള്ള യാത്രക്കിടെയായിരുന്നു സംഭവം. അലിപൂരിലെത്തിയപ്പോഴാണ് യുവതിക്ക് അസ്വസ്ഥത അനുഭവപ്പെടുന്നത്. ഛര്‍ദ്ദിക്കാനായി തല പുറത്തിട്ടപ്പോള്‍ പിന്നില്‍ നിന്നും ബസിനെ മറികടക്കാന്‍ ശ്രമിക്കുകയായിരുന്ന മറ്റൊരു വാഹനത്തില്‍ യുവതിയുടെ തല ഇടിക്കുകയായിരുന്നു. ഇടിച്ച വാഹനം നിര്‍ത്താതെ പോയെന്നും വാഹനത്തിനായുള്ള തിരച്ചില്‍ പുരോഗമിക്കുകയാണെന്നും പൊലീസ് അറിയിച്ചു.